U aeraportach Maskvy i Sankt-Pieciarburha ŭźnik kałaps z-za ataki dronaŭ
U aeraportach Maskvy i Sankt-Pieciarburha ŭźnikli surjoznyja prablemy z vyletami z-za pahrozy atak bieśpiłotnikaŭ.
Z 5 lipienia praca hałoŭnych rasijskich aeraportaŭ časova spyniałasia. U Šaramiećcievie admianili 174 rejsy, ź jakich kala 80% — rejsy hrupy «Aerafłot». Jašče 47 rejsaŭ byli zatrymanyja bolš čym na dźvie hadziny.
Pasažyry niekatorych rejsaŭ «Aerafłota» čakajuć vyletu ź minułaha dnia. Naprykład, rejs u Male, jaki pavinien byŭ vylecieć u subotu ŭ 22:35, spačatku pieranieśli na 7:00 ranicy, ale da 9:30 nastupnaha dnia jon tak i nie adbyŭsia. Rejs z Kalininhrada admianili paśla dziesiacihadzinnaha čakańnia, biez zabieśpiačeńnia ježaj, vadoj ci hatelem. Rejs ź Minieralnych Vod zatrymlivaŭsia bolš za 15 hadzin — pasažyraŭ źmiaścili ŭ hatel tolki ŭnačy. Padobnaja situacyja była i z rejsam z Ałmaty.
U pieciarburhskim aeraporcie «Pułkava» taksama nazirajucca vialikija zatrymki i admieny: admianili 11 rejsaŭ, kala 60 zatrymalisia. Ludzi vymušanyja siadzieć i lažać na padłozie, bo zały pierapoŭnienyja. Taksama pieraniesieny amal 90 rejsaŭ, jakija pavinny byli prybyć u Pułkava.
Prablemy z vyletami zakranuli i inšyja harady Rasii: Jekaciarynburh, Nižni Noŭharad, Kalininhrad, Sočy dy inšyja.
Rasijskaje Minabarony paviedamiła, što za sutki rasijskaja PPA źbiła 298 ukrainskich dronaŭ. Bolš za ŭsio ich było, jak śćviardžajecca, źniščana nad Branskaj, Kurskaj, Arłoŭskaj, Biełharodskaj i Tulskaj abłaściami.
Ukraina atakavała vajskovy zavod u Čuvašyi, jaki robić kampanienty dla «šachiedaŭ» i rakiet «Iskander»
Rasija atakavała Kijeŭ «šachiedami» i balistykaj. Dziasiatki paranienych, pažary i pierakrytyja vulicy
Ukrainskija bieśpiłotniki ŭdaryli pa zavodzie ŭ Ižeŭsku, dzie vyrablajuć «Tory». Jość zabityja i paranienyja
Kamientary