Za jaho vyzvaleńnie patrabavali 100 tysiač złotych i pačak cyharet.
31-hadovy palak vyklikaŭ taksi praź internet-dadatak ad Centralnaha vakzała ŭ aeraport Šapena. Na vyklik pryjechaŭ kiroŭca-biełarus. Praź niekatory čas paśla pačatku pajezdki pasažyr prystaviŭ nož da horła kiroŭcy i zahadaŭ jechać nazad u centr Varšavy.
Paralelna złamyśnik patelefanavaŭ pa numary ekstranaj dapamohi 112 i niekalki chvilin vykazvaŭ apierataru svaje patrabavańni. U pryvatnaści, maładzion chacieŭ 100 000 złotych (~ $27 800) i pačak cyharet «u miakkaj upakoŭcy».
Pajezdka skončyłasia na vulicy Novy Śviat, dzie mašynu akružyła palicyja, a palaka zatrymali. 32-hadovy biełarus nie atrymaŭ surjoznych traŭmaŭ i ad špitalizacyi admoviŭsia.
Aryštavanamu pradjavili abvinavačańnie ŭ zachopie zakładnika, vymahalnictvie i naniasieńni cialesnych paškodžańniaŭ. Sud aryštavaŭ jaho na try miesiacy. Na hety momant 31-hadovy mužčyna, jaki raniej užo zatrymlivaŭsia palicyjaj, znachodzicca psichijatryčnaj balnicy śledčaha izalatara.
Ciapier čytajuć
Litva znoŭ začyniła miažu ź Biełaruśsiu — iznoŭ šary z kantrabandaj14
Kamientary