KDB bačyć pahrozu ŭ stvareńni na terytoryi ES Biełaruskaj vyzvolnaj armii na 15 tysiač čałaviek
Palityčnyja apanienty biełaruskich uładaŭ rychtujuć na terytoryi krain Jeŭrasajuza vyzvalenčuju armiju kolkaściu da 15 tysiač čałaviek, śćviardžaje pieršy namieśnik staršyni Kamiteta dziaržaŭnaj biaśpieki Respubliki Biełaruś Siarhiej Cierabaŭ. A kiruje hetym, pavodle jaho, SBU i HUR.
«Istotnyja ryzyki dla nacyjanalnaj biaśpieki krainy niasie padrychtoŭka praciŭnikam siłavoha kampanienta dla zachopu ŭłady, u tym liku šlacham stvareńnia tak zvanaj biełaruskaj vyzvalenčaj armii na terytoryi Jeŭrasajuza. Pavodle zadum apanientaŭ ułady, jana pavinna być sfarmiravana pavodle standartaŭ NATA i składacca z troch bryhad ahulnaj kolkaściu ad 9 tysiač da 15 tysiač čałaviek», — skazaŭ Cierabaŭ na Treciaj kanfierencyi SND pa procidziejańni teraryzmu i ekstremizmu, piša TASS.
Pavodle słoŭ Cierabava, u jakaści asnovy takoj armii razhladajucca «niezakonnyja ŭzbrojenyja farmiravańni ź liku hramadzian Biełarusi, jakija dziejničajuć na terytoryi Polščy, Ukrainy i Litvy».
«Jaje členy pad vyhladam spartyŭnych mierapryjemstvaŭ viaduć bajavuju padrychtoŭku pavodle standartaŭ NATA pad kiraŭnictvam byłych abo dziejučych vajskoŭcaŭ krain NATA i Ukrainy. Meta — uvarvańnie ŭ Respubliku Biełaruś. Asnoŭnymi elemientami navučańnia takich bajevikoŭ źjaŭlajucca vykarystańnie BPŁA, u tym liku ŭdarnych dronaŭ, bajavyja dziejańni ŭ haradskich umovach, šturm budynkaŭ i padrychtoŭka da praviadzieńnia dyviersij i teraktaŭ, asnovy minna-vybuchovaj spravy, vyrab samarobnych vybuchovych pryład. Dla trenirovak vykarystoŭvajuć bajavyja drony, strałkovuju zbroju, a taksama šerah makietaŭ abjektaŭ dziaržaŭnaha kiravańnia, klučavych abjektaŭ uzbrojenych sił. Padrychtoŭka i navučańnie ŭzbrojenych farmiravańniaŭ ažyćciaŭlajecca na terytoryi Ukrainy i Polščy, Čechii i krain Bałtyi», — śćviardžaje Cierabaŭ.
Jon dadaŭ, što kiravańnie «farmiravańniami ažyćciaŭlaje Słužba biaśpieki Ukrainy, a praktyčnaje vykarystańnie kuryruje Hałoŭnaje ŭpraŭleńnie raźviedki Ministerstva abarony Ukrainy».
-
«U nas hetyja lhoty niama čym ilhatavać». Łukašenka patłumačyŭ, čamu nie budzie davać lhot moładzi i šmatdzietnym
-
U Bresckaj vobłaści z vypusknikoŭ, jakija nie adpracavali raźmierkavańnie, spahnali bolš za 880 tysiač rubloŭ
-
«Vielmi ciažkaja finansavaja nahruzka». Biełaruskaja čyhunka atrymaje adterminoŭki pa kredytach
Ciapier čytajuć
Łukašenka: Chutka 4 miljony pracoŭnych sahnucca, na karački stanuć, i my nie zmožam im narmalny zarobak płacić25
Kamientary