Biełarusu, jaki źbiŭ na aŭtamabili ŭ Polščy maci i dačku, pahražaje da 20 hadoŭ turmy
31-hadovamu hramadzianinu Biełarusi, jaki 29 červienia źbiŭ maci i dačku ŭ Lubušskim vajavodstvie Polščy, pahražaje da 20 hadoŭ pazbaŭleńnia voli. Adna z achviaraŭ pamierła na miescy, inšuju špitalizavali, piša Most.
Mužčynu ŭžo vystavili abvinavačvańni pa fakcie śmiarotnaha DTZ pad uździejańniem ałkaholu, a taksama ŭ tym, što jon źbieh ź miesca zdareńnia.
DTZ adbyłosia ŭ rajonie vioski Jarnatuŭ. Mužčyna jechaŭ na aŭtamabili Mazda. Na pavarocie jon nie spraviŭsia z kiravańniem, źjechaŭ na levy bok darohi, źnios darožny znak i źbiŭ dźviuch žančyn kala ich doma. Pavodle infarmacyi miedykaŭ, vierahodna, małodšuju ź ich aŭtamabil praciahnuŭ za saboj.
59-hadovaja žančyna zahinuła na miescy, a 24-hadovuju ŭ ciažkim stanie vyratavalnym viertalotam dastavili ŭ balnicu. U jaje byŭ pierałom i źviazanyja ź im rany.
Mužčyna ŭciok ź miesca zdareńnia. Kab znajści jaho, dziažurnyja zadziejničali patruli. Ale na śled mužčyny dapamahli vyjści vypadkovyja śviedki. Muž i žonka jechali toj ža darohaj i zaŭvažyli pa šlachu aŭtamabil z paškodžanym škłom. Heta zdałosia im padazronym, i jany paviedamili pra heta palicyi. Akramia taho, jany jechali za mašynaj i pieradavali dziažurnamu infarmacyju pra jaje miescaznachodžańnie.
Mienš čym praz 20 chvilin paśla śmiarotnaha DTZ palicyja znajšła vinavataha. Zrazumieŭšy, što jaho chočuć zatrymać, jon pakinuŭ svoj aŭtamabil i pasprabavaŭ źbiehčy pieššu. Sproby akazalisia biespaśpiachovymi, palicyja zatrymała parušalnika.
U arhaniźmie akazałasia bolš za 1,4 pramile.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu2
Kamientary
A patriotisty dumajut čto vsie biełarusy supiernyje tolko kommunisty , łukašisty i rašisty nam vriediat. Davno pišu o vriedie očarovannosti a mienia minusujuit zdieś. Nie pišu čto vsie my płochije no diči u nas chvatajet. No kto to otletyvajet patriotičieski vsie ravno. Eto nie urovień čieho to aritokratičieskoho. Pardon za riealizm o obyvatielskoj Biełarusi.
Pryplusujcie siudy špijanaž, dyviersii, nielehalnuju pracu i budzie zrazumieła čamu vizy nie vydajuć biezkantrolna, jak ŭ minułyja hady.