Sieuł, stalicu Paŭdniovaj Karei, zapałanili nie vielmi zvykłyja dla miascovych žycharoŭ čornyja žuki. Jany spres pakryvajuć drevy, darohi i navat lotajuć kala ludziej. Śpiecyjalisty źviazvajuć heta z paciapleńniem klimatu, jakoje spryjaje raspaŭsiudžvańniu hetych kazurak, piša The Guardian.
Žuki naležać da vidu Plecia longiforceps, jakija pachodziać z subtrapičnych rehijonaŭ Kitaja, Tajvania i japonskich astravoŭ Rukiu. U Paŭdniovaj Karei ich upieršyniu zaŭvažyli ŭ 2022 hodzie, i z taho času kolkaść hetych kazurak tolki raście.
Pavyšanaja śpioka ŭ horadzie, źviazanaja z efiektam haradskoha ciepłavoha vostrava, robić Sieuł asabliva pryvabnym dla hetych žukoŭ. Kolkaść skarhaŭ ad žycharoŭ u 2024 hodzie pavialičyłasia amal udvaja ŭ paraŭnańni z 2023-m.
Choć žuki i vyhladajuć niepryjemna, jany nie niasuć niepasrednaj niebiaśpieki dla ludziej i navat karysnyja dla pryrody: darosłyja asobiny dapamahajuć apylać kvietki, a ich ličynki razkładajuć arhaniku ŭ hlebie. Tamu ŭłady nie rajać bieśpierapynna vykarystoŭvać suprać ich chimičnyja srodki baraćby, kab nie paškodzić inšym žyvym istotam.
Žycharam ža rajać nasić ciomnaje adzieńnie i vykarystoŭvać vadzianyja abo śvietłavyja pastki, a taksama lipkija pavierchni kala vuličnaha aśviatleńnia.
Akramia taho, kolkaść žukoŭ pavinna skaracicca da siaredziny žniŭnia, bo darosłyja asobiny žyvuć niadoŭha.
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie
Kamientary
[Zredahavana]
[Zredahavana]