Biełaruskaja meblevaja fabryka nie płaciła supracoŭnikam zarobki, bo nie dačakałasia hrošaj ad «Šanel»
U Minskim rajonie prakuratura dapamahła supracoŭnikam meblevaj fabryki damahčysia vypłaty zarobku, jaki im nie vypłočvali. Usiaho 65 rabotnikaŭ nie atrymali bolš za 150 tysiač rubloŭ. Pra situacyju raskazali ŭ efiry telekanała STB.
Dyrektar pryvatnaj kampanii patłumačyŭ, što zatrymka vypłat źviazanaja z novym pakietam sankcyj. Raniej kala 90% pradukcyi fabryki išło na ekspart, u tym liku dla francuzskaha pradstaŭnictva brendu «Šanel». Fabryka vykanała zakazy i adpraŭlała meblu, ale klijent z-za abmiežavańniaŭ nie zmoh pieraličyć hrošy, tamu pradpryjemstva nie mahło vypłacić poŭny zarobak rabotnikam.
Supracoŭniki zavoda pačali aktyŭna źviartacca ŭ roznyja instancyi, kab situacyja była vyrašanaja. Jany paviedamlali pra prablemu ŭsim nieabchodnym słužbam i spadziavalisia, što praces zrušycca ź miesca.
65 rabotnikaŭ atrymali za lipień mienš za pałovu svaich zarobkaŭ. Kali fabryka padała statystyčnuju spravazdačnaść u padatkovuju słužbu, prakuratura zaŭvažyła zatrymku i vydała pradpisańnie ab nieadkładnaj vypłacie. U vyniku da pačatku vieraśnia ŭsie rabotniki atrymali hrošy na svaje rachunki.
Dyrektar fabryki adznačyŭ, što častka zakazaŭ była vykanana raniej za termin, i heta dazvoliła pastupova zakryć zapazyčanaść pa zarobku. Jon padkreśliŭ, što zatrymka vykanańnia vypłat pieravysiła adzin kalendarny miesiac, ale supracoŭnikaŭ zahadzia papiaredzili. Niekatoraja častka zarobku, bolšaja za pražytačny minimum, była vypłačanaja svoječasova, a paśla pastupleńnia srodkaŭ usim supracoŭnikam pakryvali zapazyčanaść roŭnymi dolami.
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž21
Kamientary