Litoŭskaja kampanija SBA całkam pakinuła Biełaruś. Heta było niaprosta
Litoŭskaja pramysłovaja hrupa SBA całkam pakinuła biełaruski rynak, pieradaŭšy svoj mahiloŭski meblevy zavod Mebelain adnamu ź biełaruskich kiraŭnikoŭ pradpryjemstva. Jak paviedamiła kampanija 9 maja, pieradača adbyłasia ŭskosnym čynam, bo z-za palityčna-ekanamičnaj situacyi inšyja sposaby vychadu ź Biełarusi byli niemahčymyja, piša Reform.news.
U SBA rastłumačyli, što rašeńnie pajści ź biełaruskaha rynku było pryniata jašče ŭ pačatku poŭnamaštabnaj vajny Rasii suprać Ukrainy — bolš za try hady tamu. Tady kampanija spyniła masavuju vytvorčaść na zavodzie ŭ Mahilovie i pačała pastupova zhortvać svaju dziejnaść u krainie, jakaja padtrymlivaje rasijskuju ahresiju.
Pradstaŭniki SBA adznačyli, što ŭ Biełarusi byli ŭviedzienyja žorstkija abmiežavańni na prodaž aktyvaŭ zachodnich kampanij, što značna ŭskładniła ździełku i adbiła žadańnie ŭ mnohich patencyjnych pakupnikoŭ.
Zavod Mebelain pačaŭ pracu ŭ 2015 hodzie, u jaho było ŭkładziena kala 47 miljonaŭ jeŭra. Adnak paśla spynieńnia dziejnaści ŭ 2022 hodzie kampanija była vymušanaja śpisać usie inviestycyi jak straty.
SBA źjaŭlajecca adnoj z najbujniejšych pryvatnych pramysłovych hrup u Litvie. U jaje skład uvachodziać piać meblevych fabryk u krainie, kampanija SBA Home i łahistyčny centr Innovo logistika.
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ11
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary
A elekt-prezident, siedziačy ŭ vašaj Letuvie, tady elekt-prezident jakoj krainy?