Zialenski pakazaŭ žurnalistam fatahrafii i pašparty rasijanaŭ, čyje cieły byli pieradadzieny Ukrainie jak pareštki ŭkrainskich sałdat
Pavodle słoŭ ukrainskaha prezidenta, usiaho padčas apošnich abmienaŭ ciełami było zafiksavana 20 takich vypadkaŭ.
«Choć nam jany i skazali, što heta tolki ŭkraincy i tolki vajskoŭcy. Ale heta chłuśnia, užo zafiksavanaja. Časam hetyja cieły navat z rasijskimi pašpartami. Jany navat sami nie mohuć pravieryć, kaho adpraŭlajuć. My, biezumoŭna, chočam viarnuć usich našych voinaŭ i cieły našych hierojaŭ. Ale my dakładna nie chočam viartać «ruskich» prosta dziela kolkaści», — skazaŭ Zialenski.
Pra toje, što Rasija pieradała Ukrainie cieły nie tolki ŭkrainskich, ale i rasijskich sałdat, paviedamiŭ učora ministr unutranych spraŭ Ukrainy Ihar Klimienka.
Klimienka skazaŭ, što heta nie pamyłka, a naŭmysnaje dziejańnie rasijskaha boku: «Vorah naŭmysna ŭskładniaje nam identyfikacyju zahinułych, sieje chaos i źmiešvaje cieły rasiejskich sałdat ź ciełami ŭkraincaŭ».
Da svajho pasta ministr prymacavaŭ fatahrafii, na jakich — vajenny bilet i apaznavalny žeton zahinułaha rasiejca, cieła jakoha nibyta było pieradadziena Ukrainie.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary
Niet, eto obyčnoje razdołbajstvo.