Rasija pieradała Ukrainie cieły nie tolki ŭkrainskich, ale i rasijskich sałdat
U apošnija dni Rasija pieradała Ukrainie tysiačy ciełaŭ zahinułych sałdat. Ministr unutranych spraŭ Ukrainy Ihar Klimienka zajaviŭ u Telegram, što siarod ich apynulisia taksama trupy rasijskich vajskoŭcaŭ. Jon, adnak, nie pakazaŭ, kolki takich vypadkaŭ mieła miesca.
Klimienka śćviardžaje, što heta nie pamyłka, a naŭmysnaje dziejańnie rasijskaha boku:
«Vorah naŭmysna ŭskładniaje nam identyfikacyju zahinułych, sieje chaos i źmiešvaje cieły rasiejskich sałdat ź ciełami ŭkraincaŭ».
Da svajho pasta jon prymacavaŭ fatahrafii, na jakich namalavanyja vajenny bilet i apaznavalny žeton zahinułaha rasiejca, cieła jakoha nibyta było pieradadziena Ukrainie.
Niezaležnaha paćvierdžańnia hetaj infarmacyi niama. Adnak heta nie pieršy vypadak, kali Ukraina abvinavačvaje Rasiju ŭ pieradačy Kijevu ciełaŭ svaich ułasnych sałdat. Z anałahičnymi zajavami raniej užo vystupaŭ prezident Uładzimir Zialenski.
Kamientary