Alaksandr Łukašenka padpisaŭ ukaz, jaki daje mahčymaść pierachodzić ad arendy žylla da jaho pryvatyzacyi. Dakumient, jak zajaŭlajecca, nakiravany na palapšeńnie sacyjalnych harantyj u śfiery žyllovych adnosin.
Pavodle pałažeńniaŭ ukaza, hramadzianie niekatorych zapatrabavanych prafiesij zmohuć vykupić arendnaje žyllo ŭ małych nasielenych punktach (da 20 tysiač čałaviek, za vyklučeńniem Minskaha rajona).
Kab skarystacca z hetaha prava, patrebna adpaviadać peŭnym umovam: mieć patrebu ŭ palapšeńni žyllovych umoŭ, pracavać u arhanizacyi, jakaja dała žyllo, pražyć u im nie mienš za 10 hadoŭ, nie atrymlivać raniej dziaržaŭnuju padtrymku na budaŭnictva abo kuplu žylla i nie mieć inšaha žylla ŭ hetym nasielenym punkcie.
Apłacić canu žylla možna ŭ rasterminoŭku da 15 hadoŭ, a taksama vykarystać na heta imiannyja čeki «Žyllo» i srodki siamiejnaha kapitału.
Taksama miascovyja orhany ŭłady i dziaržaŭnyja arhanizacyi zmohuć pieradavać u pryvatnuju ŭłasnaść adnakvaternyja damy i kvatery ŭ damach błočnaha typu, raźmieščanyja ŭ sielskaj miascovaści, kali jany ekspłuatujucca bolš za 10 hadoŭ i patrabujuć kapitalnaha ramontu.
Žyllo, jakoje davałasia rabotniku na čas pracy, taksama moža pierachodzić u jaho ŭłasnaść tady, kali jon adpracavaŭ u arhanizacyi nie mienš za 5 hadoŭ.
Łukašenka zahadaŭ adrehulavać praviły pradastaŭleńnia i vykupu arendnaha žylla
«Paśla našaha z taboj pakaleńnia mužykoŭ niama». Łukašenka narakaje, što mužčyny-biełarusy «staptalisia»
U Biełarusi źmianiŭsia paradak vydzialeńnia arendnaha žylla
«Zastałosia ŭsiaho 6 kvater u horadzie». Na vychodnyja 9 maja razabrali arendnyja kvatery ŭ Hrodnie, Breście i Minsku. Ceny ŭražvajuć
Kamientary
Ty, skotina Łukašienko, sdiełaj tak, čtob ludi mohli vziať ipotieku pod 1 procient, kak v Jevropie, a nie pod hrabitielskije 18!
A etu kakachu pro ariendnoje žiljo ostav́ pri siebie, pusť tvoi dieti polzujutsia takoj niesłychannoj miłosťju!!!