Demakratyčnyja siły Biełarusi i ES padpisali Miemarandum ab parazumieńni
18 červienia ŭ Brusieli Jeŭrapiejski ekanamična-sacyjalny kamitet i demakratyčnyja siły Biełarusi padpisali «Miemarandum ab parazumieńni». U Ofisie Śviatłany Cichanoŭskaj patłumačyli sutnaść dakumienta.
Hałoŭnaja meta dakumienta — zakłaści asnovy dla pašyranaha supracoŭnictva pamiž bakami. U pryvatnaści, umacavać suviazi pamiž hramadzianskaj supolnaściu i niezaležnymi ŚMI krainaŭ Jeŭrapiejskaha Sajuza i Biełarusi, a taksama sadziejničać udziełu biełaruskich demakratyčnych strukturaŭ u jeŭrapiejskich sietkach hramadzianskaj supolnaści.
Pa jakich napramkach budzie ažyćciaŭlacca supracoŭnictva:
1. Umacavańnie ŭzajemadziejańnia pamiž Jeŭrapiejskim ekanamična-sacyjalnym kamitetam, biełaruskimi demakratyčnymi siłami i arhanizacyjami hramadzianskaj supolnaści Biełarusi.
2. Ažyćciaŭleńnie sumiesnych mierapryjemstvaŭ pa pavyšeńni daśviedčanaści ab unutranaj situacyi ŭ Biełarusi ŭ halinie parušeńnia pravoŭ čałavieka.
3. Prasoŭvańnie i padtrymka pradstaŭnikoŭ biełaruskich niezaležnych ŚMI i žurnalistaŭ.
4. Arhanizacyja mierapryjemstvaŭ, nakiravanych na papularyzacyju biełaruskaj spadčyny, kultury i movy ŭ krainach Jeŭrapiejskaha Sajuza.
5. Raspracoŭka i realizacyja sumiesnych inicyjatyvaŭ, nakiravanych na supraćdziejańnie dezinfarmacyi i prapahandzie.
6. Dapamoha ŭ raspracoŭcy i acency reformaŭ dla novaj Biełarusi, a taksama abmienu lepšymi praktykami i dośviedam pierachodu da demakratyi.
-
U Smalensku asudzili hramadzianina Rasii, jaki ŭ 2020‑m pahražaŭ ustavić pałku śpiecnazaŭcu z v/č 3214, što ŭdzielničaŭ u razhonie pratestaŭ
-
Sud u Kijevie admoviŭsia vyzvalić z-pad varty padazravanuju ŭ špijanažy Inu Kardaš
-
MZS Biełarusi nazvaŭ jadziernuju zbroju «najbolš racyjanalnaj mieraj nacbiaśpieki»
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała21
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu4949
Kamientary
"Miemarandum ab parazumieńni" zabiaśpiečvaje padrychtoŭku Biełarusi da ŭstupleńnia ŭ Jeŭrapiejski Sajuz.
Što važna, praduhledžvaje sumiesnuju ci skardynavanuju rabotu pa padrychtoŭcy.
Z dnia Kanfierencyi PKK prajšło ŭžo 569 dzion. Paŭtara hady.
Ni Śviatłana Cichanoŭskaja, ni jaje ofis Cichanoŭskaj, ni jaje kabiniet Cichanoŭskaj da sich por tak i nie padpisali ni Miemarandum Kanfierencyi PKK Šlach da Voli, ni Adozvu da volnych narodaŭ śvietu.