U ZŠA daktary adklučyli ad aparata 31-hadovuju amierykanku — jana naradziła ŭ komie
Rašeńnie było pryniata paśla taho, jak jana naradziła dzicia 17 červienia.
Na momant śmierci mozhu Adryjana Śmit była na vośmym tydni ciažarnaści, piša Rasijskaja słužba Radyjo Svaboda.
U Džordžyi aborty zakanadaŭča zabaronieny z šostaha tydnia, kali ciažarnaść nie pahražaje žyćciu maci. Lekary paličyli, što padtrymańnie bijałahičnaha žyćcia Śmit było adzinym sposabam zachavać žyćcio dziciaci biez parušeńnia zakonu.
Chłopčyk naradziŭsia ŭ piatnicu. Dzicia nazvali Čens («Šaniec»). Jon znachodzicca pad kantrolem daktaroŭ, paviedamlajecca, što jaho žyćciu ničoha nie pahražaje. Pra śmierć Śmit paviedamiła ŭ sieradu kanhresvumien Ajana Preśli.
«Ja smutkuju razam ź jaje siamjoj pa hetaj ciažkaj stracie. Pa stracie ich lubaj maci i dački. I pa stracie svabody čałavieka samastojna prymać fundamientalnyja miedycynskija rašeńni», — napisała jana ŭ instahramie.
Były sienatar štata Ed Setcler, jaki vystupiŭ saaŭtaram zakonaprajekta ab abmiežavańni abortaŭ u štacie, raniej zajaŭlaŭ, što padtrymlivaje rašeńnie daktaroŭ. Naradžeńnie dziciaci abo bijałahičnuju śmierć Śmit jon nie kamientavaŭ.
-
«Ci jość sens za ich čaplacca?» Pucin namiaknuŭ pra hatoŭnaść spynić vajnu, kali jamu zdaduć Danbas
-
Iłan Mask viartajecca ŭ administracyju Trampa, užo ŭ novaj roli
-
U Efiopii paśla niekalkich hadoŭ pierapynku znoŭ razharajecca poŭnamaštabnaja hramadzianskaja vajna. Moža destabilizavacca i ŭvieś rehijon
Toj samy masažyst raskazaŭ, navošta zdymaŭ hołych klijentak2
Kamientary
zakon === zakon , -nu
Feministki: Heta pryhniot! U žančyny nie spytali!