Hramadstva22

U Biełarusi vyrašyli nie zabaraniać vejpy — bo na ich jość «peŭny spažyviecki popyt»

U Biełarusi admovilisia ad poŭnaj zabarony vejpaŭ. Heta stała zrazumieła z vyniesienaha na hramadskaje abmierkavańnie zakonaprajekta «Ab tytuniovaj syravinie, tytuniovych i nietytuniovych nikacinasutnych vyrabach, elektronnych sistemach kureńnia, vadkaściach dla ich, sistemach dla spažyvańnia tytuniu».

 Fota: pixabay.com

Pavodle danych aficyjnaha imparciora «Enierha-Oił», kala 77% adnarazovych vejpaŭ (bolš za 26 tysiač štuk) traplajuć u krainu nielehalna, a niedapastupleńnie akcyzaŭ ad takoha cieniavoha rynku aceńvajecca ŭ 130 miljonaŭ rubloŭ štohod.

Urad razhladaŭ mahčymaść poŭnaj zabarony elektronnych sistem kureńnia i vadkaściaŭ dla ich, ale pryjšoŭ da vysnovy, što zabarona tolki padšturchnie rost nielehalnaha abarotu, havorycca ŭ abhruntavańni zakonaprajekta. 

Zamiest hetaha prapanujecca:

  • uvieści licenzavańnie vytvorčaści, zachoŭvańnia, impartu, aptovaha i roźničnaha handlu;
  • uzmacnić dziaržaŭny kantrol i manitorynh usioj źviazanaj pradukcyi;
  • abmiežavać miescy vykarystańnia (naprykład, zabaranić kureńnie vejpaŭ kala padjezdaŭ).

Aŭtary zakonaprajekta padkreślivajuć, što vejpy całkam zabaraniać nie płanujecca, bo na ich jość ustojlivy popyt siarod spažyŭcoŭ.

Zakonaprajekt apublikavany na Pravavym forumie Biełarusi dla abmierkavańnia z hramadskaściu.

Letaś pytańnie ab zabaronie vejpaŭ razhledzieli ŭ Saviecie Respubliki i abiacali raspracavać adpaviedny zakonaprajekt. 

Pavodle słoŭ člena Savieta Respubliki i hałoŭnaha ŭrača Minskaha haradskoha kliničnaha ankałahičnaha centra Viktara Kandratoviča, zadaču pastaviła Natalla Kačanava. 

Pavodle jaho słoŭ, aproč sardečna-sasudzistych zachvorvańniaŭ, jakija mohuć vyklikacca ŭ tym liku vykarystańniem vejpa, jość ankałahičnyja zachvorvańni. Tamu što jość vejpy, choć ź nikatynam, choć bieź nikatynu, u lubym vypadku źmiaščajuć šmat farmaldehidaŭ, jakija vyklikajuć u tym liku ankałahičnyja zachvorvańni. 

«Puchliny hałavy, šyi, paražniny rota, hłotki ŭ mužčyn stajać na piatym miescy. Asnoŭnyja kurcy — heta mužčyny. Ja chaču skazać, što chvoryja puchlinaj paražniny rota i hłotki — na praciahu hoda pamiraje 30% z chvorych», — tłumačyŭ tady śpiecyjalist.

Ciapier ža zabaraniać vejpy admovilisia. Aŭtary zakonaprajekta tłumačać, što na rynku jość «peŭny spažyviecki popyt» na ich, a kali ŭvieści zabaronu, to vejpy buduć kuplać nielehalna.

Kamientary2

  • Sihizmund
    18.06.2025
    1:0 v polzu oficialnoho importiera «Enierho-Oił»!
  • Aleś
    20.06.2025
    Pačakajcie, dyk na ŭsialakija soli dy narkotyki taksama budzie spažyviecki popyt!

Ciapier čytajuć

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj13

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj

Usie naviny →
Usie naviny

U Minsku adkryli Vyšejšuju partyjnuju škołu23

Jak budzie vyhladać padziemny pierachod na Instytucie kultury kala Akademii kiravańnia2

«Reč tut nie ŭ Biełarusi». Łukašenka nazvaŭ zakryćcio Polščaj miažy niedružalubnym palityčnym krokam suprać Kitaja26

Sinoptyki anansavali pieršyja zamarazki i pachaładańnie1

MZS raskazała pra paciarpiełych biełarusaŭ u Krymie3

Kamisija pa viartańni stała razhladać spravy ŭchilistaŭ ad armii

Hramadzianie Biełarusi jość siarod paciarpiełych pry atacy USU na Krym32

U Hrodnie źjaviłasia novaja znakamitaść — pryhožy rudy kot3

U Krymie ŭpieršyniu źniščany dva rasijskija samaloty-amfibii Bie-12 — HUR

bolš čytanych navin
bolš łajkanych navin

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj13

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić