Hruzija pastrožyć praviły znachodžańnia zamiežnikaŭ, ažno da vydvareńnia
Kiraŭnictva Hruzii ŭzmocnić baraćbu ź niezakonnym znachodžańniem zamiežnikaŭ na terytoryi krainy. U pryvatnaści, u Kryminalnym kodeksie źjavicca novy vid pakarańnia, paviedamlaje «Vieśnik Kaŭkaza».
Ułady Hruzii ŭvodziać bolš žorstkija praviły znachodžańnia zamiežnych hramadzian na terytoryi krainy. Pra heta paviedamiŭ 9 červienia vykanaŭčy sakratar «Hruzinskaj mary» Mamuka Mdinaradze.
«U Kryminalny kodeks dadajecca novy vid pakarańnia — vydvareńnie zamiežnika z Hruzii i zabarona na ŭjezd u Hruziju na peŭny termin. U Kodeks ab administracyjnych pravaparušeńniach taksama dadajecca novy vid administracyjnaha pakarańnia — vydvareńnie zamiežnika z Hruzii i zabarona na ŭjezd zamiežnika ŭ Hruziju» — pradstaŭnik kiroŭnaj partyi.
Mamuka Mdzinaradze padkreśliŭ, što ŭ Kryminalny i Administracyjny kodeksy dadaduć novyja vidy pakarańniaŭ.
Jon taksama adznačyŭ, što buduć istotna pavialičany štrafy dla zamiežnikaŭ, jakija parušyli praviły znachodžańnia ŭ respublicy.
Akramia taho, budzie istotna sproščana pracedura vydvareńnia nielehałaŭ z krainy.
Kamientary