Hramadstva

U Hrodnie z-za mocnych daždžoŭ zatapiła kvatery na dzieviaci pavierchach

Mocnyja zalevy, jakija išli ŭ Hrodnie ŭ kancy minułaha tydnia, zatapili nie tolki vulicy. U mikrarajonie Dzieviatoŭka ŭ adnym z damoŭ zaliło kvatery — vada dajšła ź dziaviataha da pieršaha paviercha. U patopie žychary vinavaciać niajakasny vodaadvod, ustalavany miascovym ŽESam, piša Hrodna.life.

Incydent zdaryŭsia ŭ domie pa vulicy Dziaržynskaha, 135: sarvałasia niajakasna ŭstanoŭlenaja liŭnioŭka. Vada zaliła padłohu ŭ kvatery na dziaviatym paviersie na niekalki santymietraŭ, a potym dajšła da pieršaha paviercha.

Na dapamohu pryjšli susiedzi — dapamahali vyčerpvać vadu. U tym, što adbyłosia, siamja z kvatery na dziaviatym paviersie vinavacić ŽES № 13, jaki absłuhoŭvaje ich dom. Sa słoŭ haradžan, kamunalniki pastavili niajakasnuju liŭnioŭku na dachu «z taho, što było pad rukoj».

«Kali b zrabili jak treba, takoha b nie zdaryłasia», — padzialiłasia ŭ TikTok haspadynia kvatery.

U kamientarach adny karystalniki ličać, što ničoha strašnaha nie adbyłosia — kvatera zastrachavanaja i ŭsie straty pakryje strachavaja kampanija. Inšyja haradziency ŭpeŭnienyja, što raźličvać na kampiensacyju nie varta.

Karystalnik pad nikam vikkivit raspavioŭ, jak ich siamji ŭdałosia damahčysia kampiensacyi biez zastrachavanaj kvatery.

«My sudzilisia. U nas na mnohaje byli čeki, brali zaklučeńnie ŭ majstroŭ, što niemahčyma pieralapić adnu pałasu špaler i pierakłaści piać došak łaminatu asobna. Paŭhoda mučylisia, ale hrošy vybili — zakazvali niezaležnuju ekśpiertyzu. Kampiensacyi damahlisia tolki my i susiedniaja kvatera, choć zaliło čatyry kvatery i škoda va ŭsich była vialikaja».

Chto niasie adkaznaść za patop?

Kali kvatera paciarpieła nie pa vinie ułaśnikaŭ, a ŭ vyniku niaspraŭnaści inžyniernych sistem, adkaznaść niasuć:

— arhanizacyi, jakija zajmajucca ekspłuatacyjaj žyllovaha fondu;

— arhanizacyi, jakija pradastaŭlajuć pasłuhi ŽKH;

— arhanizacyi, jakija pravodzili raboty pa zamienie abo ramoncie inžyniernych elemientaŭ (u pieryjad dziejańnia harantyjnaha terminu).

Hrodziencam treba vyśvietlić, chto kiruje ich domam — žyllovy kaapieratyŭ abo tavarystva ŭłaśnikaŭ. Taksama dom moža kiravacca ŭpaŭnavažanaj asobaj, pryznačanaj vykankamam — daviedacca arhanizacyju možna ŭ miascovym vykankamie.

Paśla hrodziency mohuć pradjavić svaje patrabavańni adkaznaj arhanizacyi.

Jak dakazać vinu ŽESa?

Pry hetym nieabchodna zafiksavać toje, što zdaryłasia — vyklikać supracoŭnikaŭ ŽESa, jakija składuć akt abśledavańnia kvatery. Taksama jurysty rajać sfatahrafavać paškodžańni.

Piśmovaja pretenzija nakiroŭvajecca ŭ ŽES. U zajavie važna paznačyć termin, na praciahu jakoha prablema pavinna być likvidavanaja. Kali patop adbyŭsia pa vinie ŽESa, mienavita hetaja arhanizacyja pavinna kampiensavać hrodziencam škodu.

Kali vinavataja asoba abo arhanizacyja admaŭlajucca nieści adkaznaść za patop — treba źviartacca ŭ sud.

Kamientary

Ciapier čytajuć

«Tufli — 400 rubloŭ». Vypuskniki dzielacca, u kolki abyšlisia ich vobrazy8

«Tufli — 400 rubloŭ». Vypuskniki dzielacca, u kolki abyšlisia ich vobrazy

Usie naviny →
Usie naviny

Tehieran haryć. Izrailskija źniščalniki praciahvajuć udary, pakul SPA Irana biaśsilnaja23

Pčoły zachapili viełasipied minčuka, pakul jon byŭ u kramie FOTAFAKT5

Hihin ahučyŭ svaju viersiju nacyjanalnaj idei61

Biełaruski treš-strymier Mellstroy arandavaŭ raskošny dom u Kipry za $500 tysiač na hod5

«Mianie mama zabje». Moładź vylecieła ŭ kiuviet na chutkaści 160 kiłamietraŭ u hadzinu VIDEA12

Indyjski miljarder pamior paśla taho, jak prahłynuŭ pčału padčas hulni ŭ poła2

Detali apieracyi «Masada»: Izrail niekalki miesiacaŭ tajemna pryvoziŭ zapčastki dla dronaŭ i bojeprypasy ŭ Iran1

Izrail udaryŭ pa Tehieranie. Atakavana taksama štab-kvatera Minabarony Irana3

Papularnaja hrodzienskaja błohierka prarekłamavała kramu z tavarami, vyrablenymi ŭ kałonijach. Aŭdytoryja nie acaniła11

bolš čytanych navin
bolš łajkanych navin

«Tufli — 400 rubloŭ». Vypuskniki dzielacca, u kolki abyšlisia ich vobrazy8

«Tufli — 400 rubloŭ». Vypuskniki dzielacca, u kolki abyšlisia ich vobrazy

Hałoŭnaje
Usie naviny →

Zaŭvaha:

 

 

 

 

Zakryć Paviedamić