Ci moža pasažyr nie płacić za prajezd druhi raz, kali jahony aŭtobus staŭ z-za daždžu?
U čaćvier viečaram Minsk nakryła stychijaj — mocny doždž, navalnica, paryvisty viecier. Korki ŭ horadzie padčas zalevy dachodzili da 10 bałaŭ, transpart, u tym liku hramadski, prosta stajaŭ. Mnohija pasažyry tralejbusaŭ i aŭtobusaŭ nie zmahli dabracca da domu maršrutami, u jakich apłacili prajezd, i vymušana pierasieli na inšyja. U suviazi z hetym uźnikajuć pytańni, piša «Smartpres».
Adna z čytačak vydańnia ŭ suviazi z hetym zapytałasia:
«Ja prakampastavała adnarazovy kvitok u tralejbusie, jaki staŭ «na avaryjcy» praz doždž, i pierasieła ŭ aŭtobus taho ž kirunku (jaki moh jechać), kab dabracca da doma. I jašče raz apłaciła prajezd. Ale heta ž nie maja vina, što tralejbus staŭ. Ci pavinna ja apłačvać prajezd dvojčy ŭ takoj situacyi?».
Pa tłumačeńni Smartpess.by źviarnuŭsia ŭ «Minsktrans», i voś što vyśvietliŭ.
Pa praviłach aŭtamabilnych pieravozak pasažyraŭ i praviłach pieravozak pasažyraŭ haradskim elektryčnym transpartam, u vypadku techničnaj niaspraŭnaści (pałomki) aŭtobusa, tralejbusa, tramvaja abo pa inšych pryčynach, pa jakich niemahčymy dalejšy ruch pa vyznačanym maršrucie, pieravozčyk zabiaśpiečvaje dastaŭku pasažyra da punkta pryznačeńnia (patrebnaha prypynku) pa tym ža samym maršrucie (kirunku) biez dadatkovaj apłaty prajezdu i pravozu bahažu ŭ nastupnym aŭtobusie, tralejbusie, tramvai, jaki idzie śledam za tym, što syšoŭ ź linii.
Heta značyć, što pry pierasadcy ŭ inšy naziemny transpart taho ž maršrutu (napramku) dla paćviardžeńnia apłaty prajezdu patrebien raniej apłačany bilet na adnu pajezdku albo prajazny dakumient na BSK (bieskantaktavy smart-karcie) z paznakaj kampościera albo validatara.
Ciapier čytajuć
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj6
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary