Pieršaja biełaruskaja anłajn-škoła pačynaje nabor dziaciej na novy navučalny hod
Pieršaja biełaruskaja anłajn škoła va Ukrainie pačynaje nabor navučencaŭ na novy 2025-2026 hod. Zasnavalnica niezaležnaj adukacyjnaj instytucyi, biełaruskaja aktorka i muzykant Anastasija Špakoŭskaja zaprašaje dziaciej ŭ škołu ź biełaruskim napramkam. Pa skančeńni jaje vypuskniki atrymoŭvajuć paŭnavartasnuju adukacyju z atestacyjaj dziaržaŭnaha ŭzoru Ukrainy, piša reform.news.
Heta ŭžo budzie šosty nabor u škołu z momantu jaje adkryćcia ŭ 2020 hodzie. Za hety čas instytucyja dapamahła 254 dzieciam ź Biełarusi (časova ci pastajanna) atrymlivać adukacyju na rodnaj movie.
«Za čas pracy my ździejśnili ŭžo piać vypuskaŭ navučencaŭ, ahułam vydali 54 atestaty ab bazavaj adukacyi i 24 ab siaredniaj dziaržaŭnaha ŭzoru Ukrainy, — raspaviadaje Anastasija Špakoŭskaja. — U nas navučajucca biełaruskija dzieci z 12 krain: Biełarusi, Rasii, Polščy, Litvy, Paŭnočnaj Makiedonii, Hruzii, Niamieččyny, Kipra, Turcyi, Partuhalii, AAE i Čarnahoryi, ZŠA i Japonii.
Padkreślivaju, što my dajom paŭnavartasnuju adukacyju — kłasičnyja školnyja zaniatki z nastaŭnikami», — zaŭvažaje ruplivica.
Jakim čynam dziejničaje adukacyja ŭ anłajn škole?
Zaličeńnie idzie ŭ 4-10 kłasy z nastupnym zakančeńniem 11 kłasaŭ uklučna (zaličyć tolki ŭ 11 kłas arhanizatary škoły nie mohuć z-za patrabavańniaŭ ŭkrainskaha zakanadaŭstva).
Anłajn navučańnie adbyvajecca 5 dzion u tydzień pa 4-5 urokaŭ u dzień.
U kožnym kłasie — nievialikaja kolkaść vučniaŭ (ad 3-ch da 7-8-mi dziaciej), što moža ličyć praktyčna jak indyvidualnaje repietytarstva, jakoje dazvalaje dzieciam lepš zasvojvać materyjał.
Najaŭnaść chatniaha zadańnia dla zamacavańnia projdzienaha materyjału.
Uroki prachodziać na bazie biełaruskaj vučebnaj prahramy na rasijskaj i biełaruskaj movach. Pradmiet ŭkrainskaj movy i litaratury vykładajecca na ŭkrainskaj movie, ale ŭ dzietak niama absalutna nijakaj prablemy z kamunikacyjaj z nastaŭnikam.
Adsutnaść usialakaj ideałohii abo prapahandy — u škole dziaciej vučać uzajemapavazie, supieražyvańniu i padtrymcy.
Anastasija Špakoŭskaja padkreślivaje, što anłajn škoła — niekamiercyjnaja arhanizacyja, i apłata z vučniaŭ biarecca tolki dla samazabieśpiačeńnia instytucyi.
«Ale mnohija baćki znachodziacca u ciažkich umovach u suviazi z vymušanaj emihracyjaj, tamu nie zaŭsiody mohuć apłacić uvieś košt navučańnia ich dziaciej. U suviazi z hetym naša škoła maje patrebu ŭ padtrymcy i salidarnaści. Lubaja suma niachaj heta budzie 5-10 jeŭra abo 200-500 jeŭra dapamoža nam praciahnuć navučańnie našych dziaciej, bo dzieci heta naša z vami budučynia», — źviartajecca da supolnaści Anastasija Špakoŭskaja.
Padtrymać škołu možna tut. Zapisacca na vučobu — tut.
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary