Apošnija 25 hadoŭ Amieryka pastupova zdavała pazicyi, a kamunistyčny Kitaj naroščvaŭ mahutnaści. Heta adbyvałasia na ŭsich frantach. I heta aznačaje, što my staim na parozie vialikaha razvarotu.
Sučasnyja vojny — heta, u pieršuju čarhu, spabornictva pramysłovych mahutnaściaŭ. Uvarvańnie Rasii va Ukrainu heta jaskrava pakazała: baki ź vielizarnaj chutkaściu vyčerpvajuć zapasy snaradaŭ, rakiet i vajskovaj techniki, a bieśpiłotniki ciapier vypuskajucca na aŭtamatyzavanych zavodach kruhłasutačna. Navat kłasičnyja harmaty patrabujuć dakładnaj vytvorčaści.
Jak adznačaje The Wall Street Journal, pieramohu ŭ Druhoj suśvietnaj vajnie sajuźniki zdabyli tamu, što ZŠA mieli zdolnaść vypuskać usio ŭ vializnych maštabach — ad kulaŭ da ježy. Nichto tady nie moh paraŭnacca ŭ hetym z amierykancami. Naprykład, u 1942 hodzie vierf u Kalifornii pabudavała transpartny karabiel mienš čym za piać dzion. Siońnia Amieryka ŭžo nie zdolnaja na takija industryjalnyja hierojstvy.
Na siońnia kraina, jakaja maje najvialikšyja mahčymaści dla vypusku amal usiaho — ad prostych materyjałaŭ da pieradavoj techniki, — heta Kitaj. Va ŭmovach rostu napružanaści pamiž ZŠA i Kitajem pramysłovy patencyjał dźviuch krain stanovicca klučavym čyńnikam patencyjału vajskovaha.
Ekanamičny rost Kitaja dazvoliŭ jamu stvaryć armiju, jakaja moža kankuravać z amierykanskaj. Pavodle danych vašynhtonskaha Centra stratehičnych i mižnarodnych daśledavańniaŭ (CSIS), usiaho adzin kitajski sudnabudaŭnik u 2023 hodzie vyrabiŭ bolš kamiercyjnych sudnaŭ (pa vodaźmiaščeńni), čym usia sudnabudaŭničaja industryja ZŠA z časoŭ Druhoj suśvietnaj vajny.
Taki maštab kamiercyjnaj vytvorčaści subsiduje i vytvorčaść vajskova-marskich sudnaŭ, i ŭ vypadku vajny vytvorčyja mahutnaści mohuć być lohka pieraklučanyja z transpartnych karabloŭ na vajskovyja.
Z 2000 hoda Kitaj pabudavaŭ u dva razy bolš vajskovych karabloŭ, čym ZŠA (pavodle danych kampanii Janes, jakaja śpiecyjalizujecca na abaronnaj analitycy). Fłot i avijacyja Kitaja pa svajoj kolkaści zdahaniajuć amierykanskija, choć šmatlikija płatformy ZŠA ličacca technałahična pieradavymi.
Asobny prykład — rakiety i kryłatyja rakiety na vajskovych karablach: Kitaj skaračaje razryŭ u mahčymaściach naniasieńnia ŭdaraŭ z mora.
Pry hetym značnaja častka vytvorcaŭ u Kitai — heta nie vajskovyja pradpryjemstvy, a zavody dvajnoha pryznačeńnia. Jany mohuć lohka pieraprafilavacca na vytvorčaść zbroi abo zabieśpiačeńnie armii ŭ razie patreby.
Kitaj nie tolki maje bolš zavodaŭ, ale i madernizuje ich chutčej. Naprykład, ukaraniaje pryvatnyja 5G-sietki dla aŭtamatyzacyi vytvorčaści, što dazvalaje chutčej źviazvać dyzajnieraŭ, techniku i karystalnikaŭ, abnaŭlajučy liniejku pradukcyi ŭ režymie, niedasiažnym dla tradycyjnaj industryi.
Heta taksama aznačaje, što Kitaj moža chutčej i šyrej naroščvać vytvorčaść. U jaho značna bolš industryjalnych robataŭ, jakija dapaŭniajuć vielizarnuju kolkaść rabočych.
Vajna — heta nie tolki zbroja. Kožny samalot, karabiel i tank patrabuje paliva, zapčastak i bojeprypasaŭ. Ekipažam patrebnyja ježa, vada i mieddapamoha. Usio heta patrabuje łahistyki — u asnoŭnym marskoj. I tut Kitaj maje značna bolš sudnaŭ, zdolnych padtrymlivać armiju.
Navat kali ZŠA zmohuć pavialičyć fłot kamiercyjnych hruzavych sudnaŭ, u ich prosta nie chopić marakoŭ. Pavodle niekatorych acenak, u ZŠA zastałosia mienš za 10 000 kamiercyjnych marakoŭ (dakładnych ličbaŭ niama, bo dziaržava spyniła ich ulik šmat hadoŭ tamu). U Kitai ich u 200 razoŭ bolš.
Kitaj vałodaje značna bolšymi zapasami i kantrolem nad syravinaj, jakaja nieabchodnaja dla vytvorčaści sučasnaj vajskovaj techniki. Jon daminuje na rynku zdabyčy i pierapracoŭki redkaziamielnych mietałaŭ — važnaha kampanienta ŭ vytvorčaści rakiet, samalotaŭ, padłodak. Kitajskija kampanii ihnarujuć sproby ZŠA asłabić ich kantrol nad hetymi resursami.
Kali b ZŠA sutyknulisia z maštabnym kanfliktam, im daviałosia b całkam pieraaryjentavać svaju industryju i pracoŭnuju siłu — jak heta ŭžo było padčas dźviuch papiarednich suśvietnych vojnaŭ. Adnak u Kitaja, jak adznačajuć aŭtary analizu, takaja pracoŭnaja siła ŭžo jość: pa kolkaści rabočych, zaniatych u pramysłovaści, Kitaj značna pieraŭzychodzić usie inšyja krainy.
Vysnova jasnaja: kali svabodny śviet choča zachavacca, jamu musova mabilizavacca.
ZŠA skaračajuć adstavańnie ad Kitaja ŭ hipierhukavoj honcy
Kitaj płanuje pabudavać hihanckuju elektramahnitnuju harmatu dla zapusku astranaŭtaŭ u kosmas
Kitaj, imavierna, pabudavaŭ samuju vialikuju ŭ śviecie padłodku-bieśpiłotnik
Kitaj nie škaduje nijakich hrošaj, kab pierakupić technałahičnyja talenty
Ciapier čytajuć
Kiełahu pakazali kampramietujučyja videamateryjały na biełaruskuju apazicyju? Tak miarkuje Łatuška9
Kamientary
Ab " mocy ZŠA" byli jašče niejkija illuzii Druhi termin Trampa kančatkova pazbavit apošnich illuzij ." Panižeńnie taryfaŭ da Kitaja " pryzupynka , krach u Afhanie Jmieni i damova z chusitami
Adzinaje heta "iadz zbroja"
U rf kolki raz vybuchała tydzień tamu abiacali uch ..vybuch cišynia .
Jašče pry Bajdenie Si Czińpiń źniał ministra oborony kiraŭnictva suprać pavietranaj abarony i rakiet.vojsk
Nakont Štataŭ ...