Kabanaŭ — Piatruchinu: Kolki hrošaj ty atrymaŭ z fondaŭ na novy ajfon, noŭtbuk, kvateru na hod i viełasipied?
Błohier i były palitviazień Alaksandr Kabanaŭ źviarnuŭsia da byłoha kalehi pa kanale «Narodny reparcior», taksama byłoha palitviaźnia, Siarhieja Piatruchina z prośbaj raspavieści, jakuju dapamohu toj atrymaŭ paśla vyzvaleńnia ad fondaŭ i ludziej, jakich ciapier Piatruchin hańbić, źniasłavić, vinavacić u kradziažach hrošaj.
Alaksandr Kabanaŭ raspavioŭ, što paśla ŭčorašniaj kanfierencyi ŭ ŚMI najbolš aśviatlałasia pytańnie Siarhieja Piatruchina: «Dzie hrošy, Stryžak!?».
«I Siarhiej tak umieła karystajecca prapahandysckim pryjomam — ludzi pytajucca, ź internetu. Ja taksama nakštałt «ź internetu». Prašu aśviatlić takija pytańni:
1. Chto jaho evakujavaŭ i kolki heta kaštavała?
2. Kolki hrošaj jon atrymaŭ z fondaŭ, što jamu chapiła kupić novy ajfon, adzieńnie, rovar, darahi noŭtbuk za 2,2 tys. jeŭra, źniać kvateru praktyčna na hod. Plus kupla praduktaŭ.
I tak, praź jaki fond jamu arhanizavali zbor i sabrali sumu, jakuju jon paprasiŭ?
3. Paličyć, kolki ludziej evakuirujecca, i jakija srodki na heta vydatkoŭvajucca, choć mahčyma, što ludzi nie atrymlivajuć dapamohi ŭ takim pamiery, jakuju atrymaŭ jon. Ja nie viedaju hetaha», — piša Kabanaŭ.
«Raskažy pra heta tym, kamu ty zaraz viaščaješ — «nichto ničoha nie robić», — źviarnuŭsia da Piatruchina Kabanaŭ u čacie Kaardynacyjnaj rady.
Alaksandr Knyrovič udakładniŭ, jakaja ahulnaja suma pajšła na adnaho Siarhieja. «Nu prosta dla razumieńnia maštabu».
«Prykładna 6-7 tysiač jeŭra, plus zbor u Stryžaka. Heta kali z fondaŭ, kudy pisalisia zajaŭki na dapamohu. Aleh Kuleša skidvaŭ fondy, my zapaŭniali zajaŭki, i, nakolki ja pamiataju, nivodny fond nie admoviŭ. Kali ŭziać maštab zvarotaŭ, kolki ludziej źviartajucca ŭ fondy i atrymlivajuć padtrymku, heta kałasalnyja sumy. Pry hetym jość fondy, u jakija my źviartalisia, i jany pieradavali dosyć vialikija sumy ŭ RB, svaimi šlachami, ale ludzi potym adpisvalisia, što atrymali hrošy. I Piatruchin pra ŭsio heta viedaje», — dadaje Kabanaŭ.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary