U paniadziełak padčas telefonnaj razmovy Donald Tramp skazaŭ jeŭrapiejskim lidaram, što Uładzimir Pucin nie hatovy spynić vajnu va Ukrainie, tamu što ličyć, što pieramahaje, raspaviali krynicy haziecie Wall Street Journal.
Heta razmova adbyłasia paśla dvuchhadzinnaj telefonnaj hutarki Trampa z Pucinym, jakuju abodva prezidenty acanili stanoŭča.
Jak piša vydańnie, jeŭrapiejskija lidary i raniej razumieli, što rasijski prezident nie hatovy spynić vajnu, ale ciapier jany ŭpieršyniu pačuli heta ad Trampa. Pry tym, što sam Tramp nieadnarazova publična zajaŭlaŭ, što vieryć u žadańnie Pucina dasiahnuć mirnaha pahadnieńnia.
Bieły dom admoviŭsia davać WSJ kamientar, spasłaŭšysia na post prezidenta ZŠA ŭ sacsietkach pra jaho razmovu z Pucinym.
«Ton i duch razmovy byli vydatnymi. Kali b heta było nie tak, ja b skazaŭ pra heta ciapier», — pisaŭ Tramp.
Kamientary
No eto žie Tramp. Privykajtie, kto jeŝie nie privyk.