U adnym z dakumientaŭ u varšaŭskim Archivie novych aktaŭ znajšłosia śviedčańnie, chto mienavita «vioŭ spravy na biełaruskaha paeta Čarota i atrymaŭ pakazańni jak na «vorahaŭ» naroda i byłych biełaruskich nacyjanalistaŭ i ŭdzielnikaŭ antysavieckaj zmovy», paviedamlajecca ŭ telehram-kanale Biełaruskaha instytuta publičnaj historyi.
Heta ŭradženiec Babrujska Viktar Emanuiłavič Bychoŭski (na fota). Padčas Vialikaha terora ŭ 1937-1938 hadach jon uznačalvaŭ sakretna-palityčny adździeł NKVD BSSR, jaki zajmaŭsia biełaruskimi nacyjanalistami.
Adzin z kaleh acharaktaryzavaŭ Bychoŭskaha «jak sadysta i lipača, zdolnaha sfabrykavać lubuju spravu». Praŭda, paśla machavik represij dajšoŭ i da jaho. Za katavańni aryštavanych i falsifikacyi spraŭ u 1939 hodzie Bychoŭski byŭ asudžany na 10 hadoŭ łahieraŭ.
Paeta Michasia Čarota aryštavali 24 studzienia 1937 h. Paśla šmatlikich dopytaŭ i katavańniaŭ jon pryznaŭ vinu. Rasstralali tvorcu ŭ noč z 29 na 30 kastryčnika 1937 razam ź inšymi pradstaŭnikami biełaruskaj intelihiencyi.
U jaho kamiery paźniej znajšli na mury apošni vierš paeta:
«Ja nie čakaŭ
I nie hadaŭ,
Bo žyŭ z adkrytaju dušoju,
Što strenie lutaja biada,
Padružyć z dopytam,
Z turmoju.
Pradažnych zdrajcaŭ lichviary
Mianie zacisnuli za kraty.
Ja prysiahaju vam, siabry,
Maje pali,
Maje bary,
Kažu vam — ja nie vinavaty!»
«Kupalinka» — narodnaja pieśnia ci aŭtarskaja? Pravilny adkaz — i takaja, i takaja
«Dzieci ciomnych sialan, jakija ŭčora chadzili za płuham, nie prosta abviaścili siabie litaratarami, a ŭzialisia za vykanańnie vialikaj misii»
Noč paetaŭ. Śviatłana Cichanoŭskaja čytaje vierš Michasia Čarota «Žyvyja akordy» VIDEA
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary