Sinoptyk Dźmitryj Rabaŭ raskazaŭ u efiry telekanała ANT pra nadvorje ŭ kancy maja.
Pieršaja pałova maja zaviaršajecca chałodnym vynikam. Siaredniaja tempieratura adstaje ad normy na 5 i bolš hradusaŭ. Na žal, pieramienlivy noraŭ viasny praciahniecca i na nastupnym tydni. Z pačatkam treciaj dekady maja nadvorje ŭ bolšaści rajonaŭ zastaniecca chaładnavatym.
U pačatku tydnia na nadvorje buduć upłyvać atmaśfiernyja franty, jakija niasuć vilhotnyja pavietranyja masy. U bolšaści rajonaŭ projduć karotkačasovyja daždžy.
Unačy ad +3 da +8°C, pry prajaśnieńniach zamarazki da -3°C. Dniom u paniadziełak tempieratura padnimiecca ad +7°C pa poŭnačy da +16°C pa paŭdniovym uschodzie, u aŭtorak da +15°C.
U siaredzinie tydnia mieteaŭmovy stanuć vyznačać vilhotnyja, niaŭstojlivyja pavietranyja masy z Bałtyjskaha mora. Jany pryniasuć nievialikija karotkačasovyja daždžy. Unačy ŭ sieradu ad +3 da +8°C, u dzionnyja hadziny ad +15 da +20°C.
U pačatku druhoj pałovy tydnia ŭmovy nadvorja stanuć farmiravać atmaśfiernyja franty z zachadu Jeŭropy. U bolšaści rajonaŭ projduć karotkačasovyja daždžy. Unačy i ranicaj miescami tuman. Unačy ad +8 da +13°C. Dniom u čaćvier ad +16 da +21°C, u piatnicu ad +10 da +16°C.
U vychadnyja dni — pieramiennaja vobłačnaść, u bolšaści rajonaŭ bieź istotnych apadkaŭ. Viecier pieramiennych napramkaŭ, umierany. Unačy i ranicaj tuman. Unačy ad +4 da +9°C, u siaredzinie dnia ŭ subotu ad +6 da +11°C, pa paŭdniovym uschodzie da +22°C, u niadzielu ad +7 pa zachadzie da +24°C pa paŭdniovym uschodzie.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary
Niaŭžo huhłaŭskaha prahnozu nie chapaje ?
Pryhožyja ciuļpany, BČB kolieraū, vostraņkija, nievysokija, ich mnie ū padarunak pieradali, na Pcič.
Tych liudziej užo niama, a ciuļpamčyki ichnyja štohod padymajucca i cvituc`, i ich zrabilasia ūžo boļš, i mnie duža sumna ū taki čas...