Vyjšła kniha vieršaŭ Michała Aniempadystava — jość i raniej niedrukavanyja
Vydaviec Raman Cymbieraŭ vypuściŭ novuju knihu paezii Michała Aniempadystava «Kab być bližej da zorak», u jakuju ŭvajšli i tvory, jakija raniej nie drukavalisia, piša Bellit.info.
Michał Aniempadystaŭ (1964 — 2018) — adna z najprykmietniejšych postaciaŭ biełaruskaha mastactva: płakatyst, dyzajnier, fotamastak, aŭtar šmatlikich paetyčnych tvoraŭ.
Z 1990-ch byŭ adnym sa stvaralnikaŭ biełaruskaj rok-paezii. Byŭ aŭtaram idei i tekstaŭ rok-miuzikła «Narodny albom» (1997), piesień dla biełaruskich hurtoŭ i vykanaŭcaŭ «Novaje nieba», «N.R.M.», Kasi Kamockaj i inš. U 2013 hodzie vydaŭ zbornik svaich vieršaŭ «Hłyboka, hłyboka na dnie filižanki kavy». Łaŭreat premii «Rok-karanacyja» (1996, 1997 hadach, u tym liku za «Narodny albom» jak najlepšy albom hoda).
U 2019 hodzie ŭ pamiać pra mastaka, paeta, fatohrafa, dyzajniera, publicysta, kulturołaha Michała Aniempadystava była zasnavanaja premija, što vydajecca za najlepšy dyzajn knižnaj vokładki.
Letaś da 60-hodździa tvorcy vychodziła kniha «Ci pomniš ty», u jakuju na toj momant byli ŭklučany amal usie vieršy paeta.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary