«15 miednych ščytoŭ u honar respublik SSSR». Jak vyhladaje kinateatr «Maskva» paśla rekanstrukcyi FOTA
Staličny kinateatr ramantavali paŭtara hoda. Źniešni vyhlad vyrašyli nie mianiać.
U Minsku paśla rekanstrukcyi adkryŭsia kinateatr «Maskva». Na adkryćci sabrałasia značnaja hrupa čynoŭnikaŭ na čale ź ministram kultury i akcioram Rusłanam Čarnieckim. Dla ich na dvary zładzili pastanoŭku ŭ savieckim styli, z budaŭnikami, jakija tančyli z cehłaj.
Źniešni vyhlad kinateatra amal nie źmianiŭsia, fasad adnavili praktyčna ŭ raniejšym vyhladzie. Sam budynak azdobili kieramahranitam. Śpiecyjalna dla kinateatra profilnaje minskaje pradpryjemstva raspracavała novuju kalekcyju šyrokafarmatnaj plitki, jakaja imituje pryrodny marmur, pišuć «Minsk-Naviny».
Staroje vitražnaje škleńnie zamieniena na enierhaefiektyŭnaje multymiedyjnaje, abnavili ŭsie śviacilni. Pry hetym zastalisia niekranutymi 15 miednych ščytoŭ nad uzroŭniem druhoha paviercha, jakija simvalizujuć respubliki SSSR. Akramia taho, zamianili dach, «pierasabrali» dźvie leśvicy, uzmacnili niekatoryja kanstrukcyi, demantavali praktyčna ŭsie ŭnutranyja pieraharodki i technałahičnaje abstalavańnie, ustalavali prytočnyja vyciažnyja kamiery i santechniku.
Dziakujučy pierapłaniroŭcy zamiest dźviuch załaŭ buduć pracavać čatyry: dźvie na 47 i pa adnoj na 670 i 215 miescaŭ. Zały zabiaśpiečyli najnoŭšymi prajektarami i hukavymi sistemami, zdolnymi davać vysokuju jakaść vyjaŭleńnia i hučańnia, a taksama zručnymi kresłami. Dla ludziej z abmiežavanymi mahčymaściami ŭstalavanyja śpiecyjalnyja padjomniki.
Pieršaj karcinaj, jakuju pakazali ŭ abnoŭlenym kinateatry, stała rasijskaja vajskova-histaryčnaja drama «U śpisach nie značyŭsia».
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
-
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»2
Kamientary
psujuć navat svaju saŭkovuju spadčynu. Paźbivali z fasadaŭ naturalny kamień, kab zamianić na "śpiecyjalna raspracavanuju kalekcyju" kafli. Ćchu!
[Zredahavana]