Hramadstva22

U Biełarusi zastałosia kala 800 vieteranaŭ. 427 ź ich — udzielniki vajny

Pa stanie na 1 maja ŭ Biełarusi žyvuć kala 800 vieteranaŭ «Vialikaj Ajčynnaj vajny». Pra heta paviedamiŭ namieśnik načalnika hałoŭnaha ŭpraŭleńnia sacyjalnaha absłuhoŭvańnia i sacyjalnaj dapamohi Ministerstva pracy i sacabarony Mikałaj Aroł, piša BiełTA.

Fota ilustracyjnaje

Siarod nazvanych kala 800 vieteranaŭ — 427 udzielnikaŭ i invalidaŭ vajny. Taksama čynoŭnik zhadaŭ pra 6,3 tysiačy asob, što paciarpieli ad nastupstvaŭ vajny, u tym liku 5,6 tysiačy — byłyja viaźni nacysckich kancłahieraŭ.

Pry hetym varta razumieć, što kolkaść niepasrednych udzielnikaŭ vajny našmat mienšaja za ličby, jakija ahučvajucca čynoŭnikami, pakolki, pavodle biełaruskaha zakanadaŭstva, vieteranami VAV ličacca i tyja, chto prymaŭ udzieł «u likvidacyi nacyjanalistyčnaha padpolla na terytoryi Ukrainy, Biełarusi i bałtyjskich krain da kanca 1951 hoda».

Siaredni ŭzrost udzielnikaŭ i invalidaŭ vajny — 99 hadoŭ. Siarod ich 55% — mužčyny, 45% — žančyny. Najbolšaja kolkaść vieteranaŭ žyvie ŭ Minsku i Minskaj vobłaści. Samym «maładym» udzielnikam — partyzanam i padpolščykam — u siarednim 90—91 hod.

Najstarejšamu ŭdzielniku vajny ŭ studzieni spoŭniłasia 105 hadoŭ. Jon uznaharodžany dvuma bajavymi ordenami i ordenam za pracoŭnyja zasłuhi. Paśla vajny jon 45 hadoŭ, jak paviedamlajecca, pracavaŭ nad adbudovaj krainy.

Vypłaty materyjalnaj dapamohi vieteranam sioleta pačalisia 2 maja i praciahnucca da 8 maja. Sumy dapamohi: 5 tysiač rubloŭ— udzielnikam i invalidam vajny, 2,5 tysiačy — inšym katehoryjam vieteranaŭ, 1,5 tysiačy — asobam, što paciarpieli ad vajny.

U paraŭnańni ź minułym hodam pamiery dapamohi pavialičylisia na 20%. Na heta vydzielena kala 13 miljonaŭ rubloŭ. Usiaho dapamohu atrymajuć bolš za 7 tysiač čałaviek.

Pa stanie na 5 maja vypłaty atrymali ŭžo 97% tych, kamu jany pryznačany. Astatnija atrymajuć hrošy ŭ najbližejšyja dni.

Kamientary2

  • Brest
    06.05.2025
    Nie vieru. Sapraŭdnyja vieterany daŭno ŭ ziamli lažać
  • Hala z Kamaroŭki
    06.05.2025
    U majho dzieda ordenskija płanki byli na pravym baku pinžaka. Na levym - miedali ad šyi da puza. A na fota płanki źleva. Jen zamiest značkoŭ płanak naviešaŭ ci što? Chto viedaje, rastłumačcie: značok "instruktar parašutnaha sportu druhoj stupieni" možna było zamianić płankaj?

Ciapier čytajuć

Kiełah płanuje pajezdku ŭ Biełaruś i sustreču z Łukašenkam

Kiełah płanuje pajezdku ŭ Biełaruś i sustreču z Łukašenkam

Usie naviny →
Usie naviny

Chto taki Viarchoŭny lidar Irana ajatała Ali Chamieniei i nakolki ŭpłyvovaja jaho siamja2

Biełaruski eks-ministr pryros aktyvam u Polščy, ale nie zabyvaje pra Rasiju3

Pad Danieckam rasijski vajskoviec złaviŭ žonku z paluboŭnikam, vyviez jaho ŭ pole i rasstralaŭ z aŭtamata7

Iłan Mask apublikavaŭ vyniki analizaŭ mačy na narkotyki5

Rasijanin vyskačyŭ u Litvie ź ciahnika padčas ruchu, jaho šukaje palicyja1

Jak adroźnić časovaje vypadzieńnie vałasoŭ ad abłysieńnia? Tłumačyć trychołah

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej23

Łukašenka raskazaŭ, što karova pavinna stajać u pałacy i kožnamu nieabchodna «choć pa dźvie barazionki» bulby pasadzić20

U Kijevie ŭžo kala 100 paciarpiełych padčas načnoha ŭdaru1

bolš čytanych navin
bolš łajkanych navin

Kiełah płanuje pajezdku ŭ Biełaruś i sustreču z Łukašenkam

Kiełah płanuje pajezdku ŭ Biełaruś i sustreču z Łukašenkam

Hałoŭnaje
Usie naviny →

Zaŭvaha:

 

 

 

 

Zakryć Paviedamić