Frydrych Mierc niečakana nie atrymaŭ dastatkova hałasoŭ u Bundestahu
Deputaty Bundestaha ŭ pieršym tury vybaraŭ kanclera nie abrali Mierca na hetuju pasadu. Heta moža vyklikać palityčny ziemlatrus jeŭrapiejskaha maštabu.
Takoha jašče nie było ŭ historyi Hiermanii — Bundestahu nie ŭdałosia abrać kanclera ŭ vyniku tajnaha hałasavańnia. Kansiervataru Frydrychu Miercu, jaki byŭ vyłučany na hetuju pasadu, nie chapiła šaści hałasoŭ.
Za jaho kandydaturu prahałasavali 310 parłamientaryjaŭ ź nieabchodnych 316. Adnak u palityka budzie jašče druhaja sproba stać kancleram, piša Spiegel.
Ciapier u bundestaha jość 14 dzion, kab abrać Mierca abo inšaha kandydata na pasadu kanclera absalutnaj bolšaściu hałasoŭ.
Pravał Mierca niečakany. U hałasavańni ŭdzielničali 621 deputat, 1 biuleteń pryznany niesapraŭdnym, «za» — 310, «suprać» — 307, 3 deputaty ŭstrymalisia.
Paśla niaŭdačy na hałasavańni Frydrych Mierc i inšyja palityki adpravilisia na naradu.
Kiravany Frydrycham Miercam błok CHDS/CHSS na vybarach u lutym atrymaŭ 28,5% hałasoŭ.
Na druhim miescy — «Alternatyva dla Hiermanii» (AfD) z 20,8%, treciaje miesca zaniali sacyjał-demakraty.
Paśla niekalkich miesiacaŭ pieramovaŭ kansiervatary i sacyjał-demakraty ŭ paniadziełak padpisali kaalicyjnuju damovu. Novaja kaalicyja atrymała nievialikuju pieravahu ŭ Bundestahu — 328 miescaŭ z 630.
«Heta aznačaje, što navat u jaho ŭłasnym błoku CHDS/CHSS — ci ŭ šerahach SDPH — znajšlisia deputaty, jakija nie padtrymali jaho kandydatury. Napieradzie — novy tur hałasavańnia. Na radaść ultrapravym z «Alternatyvy dla Hiermanii» novaja epocha pačynajecca z hańby i pravału», — piša ŭ svaim telehram-kanale palitołah Alaksandr Frydman.
«U «Alternatyvy dla Hiermanii» źjaŭlajecca ŭnikalny šaniec pahruzić FRH u atmaśfieru hłybokaha palityčnaha kryzisu», — adznačaje jon.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary