U Minsku ciapier stali kursiravać 20 novych tramvajaŭ, paviedamiŭ u efiry prahramy «Havoryć i pakazvaje Minsk» na «Radyjo-Minsk» dyrektar pradpryjemstva «Staličny transpart i suviaź» Juryj Supranovič.
Fota ilustracyjnaje
«U ramkach biahučaj zakupki ŭžo pastaŭlena 20 novych nizkapadłohavych tramvajaŭ marki «BKM Chołdynh». Ciapier jany prachodziać abkatku i naładki, — rastłumačyŭ Supranovič. — Ale ŭžo ciapier možna sustreć hetyja mašyny na vulicach stalicy».
Takija tramvai dziakujučy kanstrukcyi biez prystupak dajuć mahčymaść bolš zručnaj pasadki i vysadki pasažyraŭ, uklučajučy małamabilnyja hrupy nasielnictva.
Pavodle słoŭ Juryja Supranoviča, ciapier siaredni ŭzrost ruchomaha składu ŭ tramvajnym depo Minska składaje kala 16 hadoŭ.
Kamientary