Vynieśli na abmierkavańnie prajekt razbudovy minskaj Sierabranki
Z 28 krasavika pa 12 traŭnia ŭ Leninskim rajonie Minska prachodzić hramadskaje abmierkavańnie detalovaha płana raźvićcia terytoryi pamiž vulicami Vaniejeva, Jakubava, Plachanava i praśpiektam Rakasoŭskaha. Heta terytoryja pamieram 155 ha, dzie ciapier žyvie kala 30 tysiač čałaviek, piša Realt.by.
U ramkach prajekta płanujecca pabudavać nie mienš za try novyja žyłyja damy (u tym liku na miescy pustak i starych haražoŭ), što daść kala 500 novych kvater. U pierśpiektyvie kolkaść kvater u mikrarajonie vyraście z 11,6 da 12,1 tysiačy. Znosam padlahajuć tolki kamunalnyja pabudovy i haražy.
Taksama zapłanavanyja šmatfunkcyjanalnyja kompleksy, novaja darožnaja infrastruktura (u tym liku novaja vulica na miescy haražnaha kaapieratyvu «Śvisłač-2008»), budaŭnictva tramvajnaj linii ŭzdoŭž praśpiekta Rakasoŭskaha i adkryćcio stancyi mietro «Sierabranka».
Palapšacca pavinny i dvaravyja terytoryi: tam źjaviacca zony adpačynku, spartyŭnyja placoŭki i dadatkovyja parkoŭki. Zialonyja zony taksama buduć uparadkavanyja — praduhledžana stvareńnie rovarnych i piešachodnych ściežak, miescaŭ dla vyhułu sabak i adpačynku.
Novaj sacyjalnaj infrastruktury (škoł, sadkoŭ, paliklinik) prajekt nie praduhledžvaje — ličycca, što ŭžo najaŭnych abjektaŭ dastatkova. Zatoje źjavicca novaja hramadskaja zabudova: naprykład, kaviarni, administracyjnyja i hramadskija budynki.
Z prajektam možna aznajomicca na sajtach «Minskhrada» i administracyi Leninskaha rajona. Zaŭvahi prymajucca pa elektronnaj i paštovaj pošcie da 12 ma ja. Vyniki abmierkavańnia buduć razhledžanyja architekturna-horadabudaŭničaj radaj.
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ19
Kamientary
Toje, što napisana pra dvarovyja placoŭki, darožki, zialonyja terytoryi - nie abaviazkova, bo nie rehulujecca ŭ prajektach hetaha ŭzroŭniu (PDP). Heta jak prapanova, nie abaviazkovaja da vykanańnia i jakaja nie maje terminaŭ. PDP płanuje tolki zaniravańnie terytoryj, i nie bolej.