Hetaj nočču biełarusy zmohuć nazirać vidoviščny mieteorny patok
U noč na 6 maja žychary Biełarusi zmohuć nazirać adzin z samych vidoviščnych mieteornych patokaŭ viasny — Eta-Akvarydy (abo Majskija Akvarydy), piša «Smartpres».
Pavodle źviestak vydańnia Science Alert, najlepšyja ŭmovy dla nazirańnia składucca ŭ Paŭdniovym paŭšarji, ale i ŭ Biełarusi mieteory buduć bačnyja, asabliva pad ranicu: čakajecca da 30 uspyšak za hadzinu.
Aktyŭnaść patoku praciahniecca da 28 maja, ale samaja vidoviščnaja noč — z 5 na 6 maja.
Śpiecyjalnaje abstalavańnie dla nazirańnia hetaj źjavy nie treba — hałoŭnaje vybrać miesca dalej ad haradskoha śviatła. Uvohule najlepšy čas dla nazirańniaŭ — pieradśvitalnyja hadziny, a aptymalny čas zaležyć ad rehijona. Umovy možna pravieryć, naprykład, na hetym sajcie.
Hladzieć treba ŭ bok paŭdniova-ŭschodniaha haryzontu. Pieraškadžać nie budzie navat Miesiac — jon zojdzie da pačatku piku aktyŭnaści.
Eta-Akvarydy — heta śled pyłu, pakinuty znakamitaj kamietaj Haleja, jakuju Ziamla pierasiakaje dvojčy ŭ hod. Apošni raz jana nabližałasia da našaj płaniety ŭ 1986 hodzie, a nastupny jaje vizit čakajecca tolki ŭ 2061-m.
Chutkaść mieteoraŭ dasiahaje 67 km/s, a ich jarkija ślady časta zastajucca ŭ niebie na niekalki siekundaŭ.
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary