Partyja Smer adprečyła danyja pra paharšeńnie stanu premjer-ministra Słavakii Robierta Fica i mahčymaj u suviazi z hetym admienie vizitu ŭ Rasiju.
Stan zdaroŭja premjer-ministra Słavakii dobry, jon nie źbirajecca mianiać płany pa vizitie ŭ Maskvu ŭ honar 80-hodździa Pieramohi, zajaviŭ lidar frakcyi partyi palityka Smer u słavackim uradzie Jan Rychtar, pieradaje Aktuality.sk.
Pavodle Rychtara, pajezdka premjera ŭ stalicu Rasii «ź vialikaj dolaj vierahodnaści adbudziecca», choć dakładnaja data vizitu pakul nie ahučanaja.
«Vizit u Maskvu źviazany nie z vajnoj pamiž Rasijaj i Ukrainaj, a z pavahaj pamiaci Vialikaj Ajčynnaj vajny», — adznačyŭ Rychter.
Učora stała viadoma, što ŭ Fica abvastrylisia prablemy za zdaroŭjem. Fica nie pajechaŭ na mierapryjemstvy, pryśviečanyja śviatkavańniu 1 maja, nie vyjšaŭ na zapłanavanuju načnuju źmienu na chlebazavodzie ŭ horadzie Nitra. Lekcyja dla studentaŭ Oksfardskaha ŭniviersiteta ŭ Brytańnii taksama nie adbudziecca.
Były prezident Čechii Miłaš Zieman patłumačyŭ, što pryčynaj raptoŭnaj źmieny płanaŭ stali nastupstvy letašniaha ranieńnia.
Pad pytańniem akazaŭsia i ŭdzieł u paradzie ŭ Maskvie prezidenta Sierbii Alaksandra Vučyčy, jaki taksama raptoŭna prychvareŭ.
Kamientary