Na BMZ rabotnikaŭ niekatorych cechaŭ stali adpraŭlać u adpačynki za svoj košt
U asobnych cechach Biełaruskaha mietałurhičnaha zavoda ŭ Žłobinie supracoŭnikaŭ pačali adpraŭlać u adpačynki biez apłaty, paviedamiŭ 30 krasavika telehram-kanał «Svobodnyj Žłobin». Pavodle źviestak resursu, havorka idzie pra tyja cechi, jakija macniej za inšyja paciarpieli praz sankcyi ES i ZŠA.
Pavodle infarmacyi vydańnia «Fłahštok», jak minimum u elektrastalepłavilnym cechu ŭ krasaviku 2025 hoda premii byli zrezanyja na 90%.
Pavodle źviestak aficyjnaj statystyki, Žłobinski rajon z pačatku 2025 hoda «napracavaŭ» 53,5 młn rubloŭ strataŭ. U sakaviku 2025 hoda pradpryjemstvu daviałosia źnizić vytvorčaść, «kab zabiaśpiečyć na naležnym uzroŭni ekanomiku pradpryjemstva». Pra heta paviedamlaŭ dyrektar BMZ Dźmitryj Korčyk.
Akramia taho, jon adznačyŭ, što ciapier zavod realizuje «maštabny kompleks mier pa skaračeńni vydatkaŭ, idzie pošuk sposabaŭ źnižeńnia sabiekoštu pradukcyi».
Pa słovach namieśnika hiendyrektara Siarhieja Ciarleckaha, «pieryjad sa studzienia pa sakavik byŭ niaprostym pa źniešnich pryčynach», ale z krasavika «pa niekatorych vidach pradukcyi naziraŭsia prykmietny rost».
Pry hetym top-mieniedžar zajaŭlaŭ, što «ŭ zavoda niama mety pracavać na skład», tamu «vytvorčaść tych typaŭ pradukcyi, jakija majuć mienšuju efiektyŭnaść prodažaŭ, na pradpryjemstvie źnižajuć, kali vidavočna, što ciapier ich pradavać niavyhadna».
Inšy namieśnik hiendyrektara, Mikałaj Anielkin, u kancy krasavika adznačaŭ, što «siońnia pradpryjemstva pracuje na ŭzroŭni 90% da minułaha hoda». Pavodle jaho słoŭ, «taki vybar dyktuje situacyja, jakaja składvajecca: składanaści z łahistyčnymi łancužkami i cenaŭtvareńnie na rynkach — bolš vyhadna pracavać ź mienšymi abjomami, čym mieć ryzyku spracavać u straty».
Kankretnyja prablemy top-mieniedžar nazyvaŭ takija:
«Častka mietałałomu na BMZ pastupaje ź Biełarusi. I heta dla nas vyhadna: jak za košt jakaści samoha łomu, tak i za košt nievialikaj adlehłaści dastaŭki. A voś taja častka mietałałomu, jakuju my zakuplajem u roznych rehijonach Rasijskaj Fiederacyi, dla nas abychodzicca daražej».
Taksama namieśnik hiendyrektara pryznaŭ, što «sankcyi, SVA, zabarona prajezdu da Bałtyjskaha mora — usio heta pavialičvaje vydatki na transparciroŭku».
AAT «BMZ» — najbujniejšaje pradpryjemstva Žłobina z 11-tysiačnym piersanałam. Ciapier pradpryjemstva, akramia svajoj asnoŭnaj dziejnaści (vyrabu mietałaprakatu), dapamahaje rasijskamu VPK, vypuskajučy karpusy dla RSZA.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu8
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2828
Kamientary