Hrupa zachopu z hieorhijeŭskimi stužkami zatrymała navapałačanina, jakoha padazrajuć va ŭchileńni ad padatkaŭ
Pradprymalnika, jaki kiruje taksaparkami i STA, siłaviki pryjšli brać u poŭnym abmundziravańni.
Siłaviki zatrymali 36-hadovaha žychara Navapołacka, jakoha abvinavačvajuć va ŭchileńni ad vypłaty padatkaŭ. Da mužčyny pryjšła cełaja hrupa zachopu ŭ poŭnym abmundziravańni. Na šlemach u amapaŭcaŭ byli hieorhijeŭskija stužki.
Pavodle viersii śledstva, mužčyna kiravaŭ tryma taksaparkami i adnoj stancyjaj techničnaha absłuhoŭvańnia. Niekalki rabotnikaŭ byli zarehistravany ŭ rejestry kiroŭcaŭ taksi, pry hetym bolš za 200 supracoŭnikaŭ ažyćciaŭlali dziejnaść nielehalna.
Hrošy dyrektar ź mieniedžarami vyvodzili praz svaje asabistyja kart-rachunki. Akramia taho, z metaj uchileńnia ad padatkaŭ, jany ŭnosili ŭ buchulik fiktyŭnyja vydatki na absłuhoŭvańnie aŭtamabilaŭ.
Jak padličyli siłaviki, padazravanyja niedapłacili ŭ biudžet zvyš 400 tysiač rubloŭ. Hrošy tracili na padarožžy, kuplu majomaści, zabavy i ałkahol.
Na 13 asob zaviali kryminalnuju spravu za ŭchileńnie ad vypłaty padatkaŭ u bujnym pamiery.
Kamientary