Fiederalny sudździa ŭ Vašynhtonie rasparadziŭsia, kab Ahientstva ZŠA pa hłabalnych miedyja (USAGM) pieraličyła «Radyjo Svabodnaja Jeŭropa/Radyjo Svaboda» srodki, užo vydzielenyja Kanhresam ZŠA, piša «Nastojaŝieje vriemia».
Cudździa Rojs Łambiert vydaŭ časovy zabaronny order, u jakim havorycca, što «srodki, vydzielenyja rašeńniem Kanhresu, pavinny być pieradadzieny RSIE/RS». Sudździa padkreśliŭ, što prezident Donald Tramp taksama padpisaŭ adpaviedny zakonaprajekt. U pastanovie havorka idzie pra 12 miljonaŭ dalaraŭ, jakija pavinny byli być vydzieleny ŭ krasaviku.
Pradstaŭniki Biełaha doma nie prakamientavali rašeńnie sudździ.
«Siońniašniaje rašeńnie, jakoje abaviazvaje USAGM vydzielić miesiačnuju dolu z hadavoha biudžetu RSIE/RS, zaćvierdžanaha Kanhresam, aznačaje, što našy žurnalisty zmohuć praciahvać svaju pracu, pryciahvajučy dyktataraŭ i despataŭ da adkaznaści, — havorycca ŭ zajavie prezidenta RSIE/RS Styviena Kapusa. — My spadziajomsia nieadkładna atrymać srodki, nie vydzielenyja ŭ krasaviku, bo ŭ hetym miesiacy my byli vymušany adpravić supracoŭnikaŭ u vymušany vodpusk i skaracić prahramy dla rehijonaŭ, što majuć krytyčnaje značeńnie dla nacyjanalnaj biaśpieki ZŠA».
U sakaviku USAGM — arhanizacyja-apiakunka RSIE/RS — abviaściła pra zamarožvańnie prykładna 75 miljonaŭ dalaraŭ, vydzielenych Kanhresam na finansavańnie dziejnaści RSIE/RS u ciapierašnim finansavym hodzie. Hetaje rašeńnie pryniało časovaje kiraŭnictva USAGM na padstavie ŭkaza prezidenta ZŠA Donalda Trampa, jaki praduhledžvaŭ skaračeńnie nieefiektyŭnaha vykarystańnia srodkaŭ amierykanskich padatkapłatnikaŭ.
«Radyjo Svabodnaja Jeŭropa/Radyjo Svaboda» asprečyła zakonnaść dziejańniaŭ kiraŭnictva USAGM u fiederalnym akružnym sudzie ŭ Vašynhtonie. 25 sakavika sudździa Łambiert vynies pastanovu na karyść RSIE/RS, adnak arhanizacyja-apiakunka nie pieraličyła srodki, vyłučyŭšy ich vydaču nieprymalnymi ŭmovami. U vyniku Radyjo Svaboda była vymušana znoŭ źviarnucca ŭ sud.
«My budziem praciahvać sudovyja dziejańni i supracoŭničać z USAGM, kab zabiaśpiečyć vypłaty na astatniuju častku finansavaha hoda», — padkreśliŭ Styvien Kapus.
«Radyjo Svabodnaja Jeŭropa/Radyjo Svaboda» — niezaležnaja miedyjakarparacyja, praca jakoj finansujecca za košt srodkaŭ, što vydzialajucca Kanhresam ZŠA praz Ahientstva pa hłabalnych miedyja. 14 sakavika 2025 hoda prezident ZŠA Donald Tramp padpisaŭ ukaz ab skaračeńni dziejnaści siami dziaržaŭnych ahienctvaŭ, u tym liku USAGM. Uśled za hetym źjaviłasia apaviaščeńnie ab spynieńni dziejańnia zaćvierdžanaha Kanhresam hranta, jaki finansavaŭ dziejnaść RSIE/RS.
-
Dźmitryj Siemčanka budzie vieści aŭtarskuju prahramu na «Biełsacie»
-
«Heta navat u ruki ahidna brać». Baćki «chvalacca», jakija padručniki vydali ŭ škole ich dzieciam
-
Nie moža zhadać svajo žyćcio miesiac tamu, pazabyvaŭ znajomych. Kaskadzior, jaki ledź nie zahinuŭ na aŭtašou ŭ Lidzie, zapisaŭ videa z balnicy
Ciapier čytajuć
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»33
Kamientary