«Pytańnie zakrytaje». Kit Kiełah zajaviŭ, što Ukraina nie stanie členam NATA
Ukraina nie stanie členam NATA, i pytańnie jaje ŭstupleńnia ŭ aljans źjaŭlajecca zakrytym. Pra heta ŭ efiry Fox News zajaviŭ Kit Kiełah — śpiecyjalny pasłańnik prezidenta ZŠA Donalda Trampa pa Ukrainie.
«My vykazalisia maksimalna vyrazna: siabroŭstva ŭ NATA — pa-za abmierkavańniem. Ukraina nie ŭvojdzie ŭ aljans. Heta nie navina, my havorym pra heta z 2008 hoda», — padkreśliŭ Kiełah.
Jon nahadaŭ, što jašče 17 hadoŭ tamu tahačasny pasoł ZŠA ŭ Rasii Uiljam Biorns papiaredžvaŭ dziaržaŭnaha sakratara Kandalizu Rajs, što ideja dałučeńnia Ukrainy da NATA źjaŭlajecca «niedasiažnaj metaj».
Pra toje, što Ukrainie nie sudžana stać častkaj NATA, raniej nieadnarazova zajaŭlaŭ i sam Donald Tramp. Pavodle jaho śćviardžeńniaŭ, mienavita abiacańni papiaredniaj administracyi, u pryvatnaści prezidenta Džo Bajdena, dać Kijevu harantyi ŭstupleńnia ŭ aljans stali adnoj z pryčyn pačatku rasijskaj ahresii. Hetaja rytoryka adpaviadaje klučavym tezisam, jakija Maskva vykarystoŭvaje dla apraŭdańnia ŭvarvańnia.
U toj ža čas Kit Kiełah miarkuje, što pieramovy adnosna zakančeńnia rasijska-ŭkrainskaj vajny znachodziacca «na dobrym šlachu», niahledziačy na słovy dziaržaŭnaha sakratara Marka Rubia pra toje, što ZŠA mohuć admovicca ad pasiarednictva.
«Ja ad naradžeńnia aptymist. Tamu ja vieru, što my dabiaromsia da patrebnaha miesca. Słovy [Rubia] ciažkija, ale jany pavinny byli być, tamu što my stamilisia ad taho, što adbyvajecca. U nas šmat inšych prablem u śviecie», — patłumačyŭ Kiełah.
Pavodle jaho słoŭ, rašeńnie ab spynieńni ahniu ŭ najbližejšyja terminy budzie abmiarkoŭvacca na nastupnym tydni padčas sustrečy amierykanskaj, jeŭrapiejskaj i ŭkrainskaj delehacyj u Łondanie. Raniej jano abmiarkoŭvałasia na sustrečy amierykancaŭ i jeŭrapiejcaŭ u Paryžy.
«I mienavita tamu my adpraŭlajemsia ŭ Łondan na nastupnym tydni, kab faktyčna zafiksavać heta. I ja dumaju, što pierad nami adkryvajucca vielizarnyja mahčymaści», — skazaŭ Kiełah.
Pradstaŭnik Trampa abvierhnuŭ publikacyju The Times pra padzieł Ukrainy na manier paślavajennaha Bierlina
Pradstaŭnika Trampa Kita Kiełaha mahli adchilić ad mirnych pieramoŭ na patrabavańnie Rasii
«Heta jak bić asła pałkaj pa nosie». Kit Kiełah patłumačyŭ, navošta ZŠA spynili padtrymku Ukrainy
«Advažny lidar krainy, jakaja vajuje». Kit Kiełah prakamientavaŭ sustreču ź Zialenskim
Chto taki Kit Kiełah, ad mierkavańnia jakoha zaležyć los miru va Ukrainie
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary
I pochožie, čto eto nie piervoje i nie poślednieje ot čieho pridiotsia otkazaťsia Ukrainie, iz-za hienialnych łapidarov trampa i ich žiełanii "protivostojať" Kitaju.
Rośsii ostavlajut tolko pluški, jeśli sudiť po utiečkam v amierikanskoj prieśsie. I Krym priznajut rośsijskim i vozmožno otdatut jej, biez priznanija, i vsio ostalnoje, čto ona vpisała v svoju konstituciju, da jeŝio i zarabotajut na etom, śnimut sankcii, otkažutsia ot rieparacii i privlečienii vojennych priestupnikov k otviestviennosti !
Mnie intieriesno, na kakom miestie i na kakoj pozicii, u łapidarno-odarionno-hienialnych, nachoditsia Mieždunarodnoje Pravo i Mieždunarodnaja Sistiema Biezopasnosti, sozdannaja, na osnovie Mieždunarodnoho Prava, i osnovannaja, v tom čiśle požiełanim SŠA, pośle Vtoroj Mirovoj Vojny ???