Pradstaŭnika Trampa Kita Kiełaha mahli adchilić ad mirnych pieramoŭ na patrabavańnie Rasii
Śpiecyjalny pradstaŭnik prezidenta ZŠA Donalda Trampa pa pytańniach Ukrainy i Rasii Kit Kiełah byŭ na patrabavańnie Rasii adchileny ad pieramoŭ ab spynieńni vajny, paviedamlaje NBC News sa spasyłkaj na ŭłasnyja krynicy.
«Kiełah — były amierykanski hienierał, zanadta blizki da Ukrainy. Nie taki čałaviek našaha typu, nie taho kalibru, jakoha my šukajem», — skazaŭ vydańniu nienazvany rasijski čynoŭnik, dadaŭšy, što «zanadta praŭkrainskim» jaho ličyŭ, u pryvatnaści, Uładzimir Pucin.
Pradstaŭnik ZŠA z administracyi Trampa paćvierdziŭ vydańniu, što mienavita Rasija nie chacieła pryciahnieńnia śpiecpradstaŭnika da pieramovaŭ, ale nie viedaje, kali pra heta było paviedamlena Biełamu domu.
Vydańnie adznačaje, što Kiełah nie prysutničaŭ na amierykana-rasijskich pieramovach u Er-Ryjadzie 18 lutaha. Ofis Kiełaha nie adkazaŭ na prośbu prakamientavać, čamu jon nie ŭdzielničaŭ u pieramovach i ci prasiŭ pra heta rasijski bok.
Pradstaŭnik Rady nacyjanalnaj biaśpieki ZŠA Džejms Chjuit zajaviŭ vydańniu, što Kiełah zastajecca «kaštoŭnaj častkaj kamandy, asabliva ŭ tym, što tyčycca pieramoŭ z našymi jeŭrapiejskimi sajuźnikami».
Raniej pra toje, što Kit Kiełah faktyčna adchileny ad spravy arhanizacyi mirnych pieramoŭ pamiž Rasijaj i Ukrainaj za pasiarednictvam ZŠA, pisała vydańnie Politico. Jaho krynicy ŭ administracyi Trampa śćviardžali, što zamiest Kiełaha na hałoŭnyja roli vyłučylisia inšyja asoby, u tym liku dziaržsakratar ZŠA Marka Rubia, daradca Trampa pa nacyjanalnaj biaśpiecy Majk Uołc i pradstaŭnik na Blizkim Uschodzie Styŭ Uitkaf.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?2
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary