U chutkim časie ŭ Biełarusi pabudujuć i ŭviaduć u ekspłuatacyju čatyry pryhraničnyja placoŭki čakańnia elektronnaj čarhi, raskazaŭ staršynia Dziaržaŭnaha mytnaha kamiteta Uładzimir Arłoŭski.
Abjekty pabudujuć kala punktaŭ propusku «Kamienny Łoh», «Hryharoŭščyna», «Varšaŭski most» i «Kazłovičy». Na ich źjavicca kala 2 tysiač mašyna-miescaŭ u dadatak da ŭžo najaŭnych.
Kala pahranpierachoda «Kazłovičy» budzie samaja vialikaja placoŭka čakańnia ŭ Jeŭropie. Jana zojmie 15 ha płoščy, na jakoj źmieścicca kala 800 mašyn.
«Takaja placoŭka zdymaje čarhu hruzavikoŭ prykładna na 1,5 km. Samaje hałoŭnaje — na joj płanujem maksimalny sacyjalny pieralik pasłuh — pačynajučy ad duša, pralni, kruhłasutačnaj kaviarni, Wi-Fi. Heta kompleks, jaki pavinien być dla narmalnaha čakańnia kiroŭcaŭ», — akcentavaŭ uvahu staršynia DMK.
U 2026 hodzie płanujuć uvieści ŭ ekspłuatacyju zonu čakańnia taksama pierad punktam mytnaha afarmleńnia «Varšaŭski most». U joj zmohuć znachodzicca adnačasova kala 450 lehkavych aŭtamabilaŭ.
Na litoŭskaj hranicy pierad punktam propusku «Kamienny Łoh» u 2025 hodzie pačnuć budavać placoŭku čakańnia elektronnaj čarhi. Pa słovach Uładzimira Arłoŭskaha, jana nievialikaja, tamu abstalujuć i druhuju.
U płanach taksama pačać prajektavańnie placoŭki na łatvijskim napramku, u punkcie propusku «Hryharoŭščyna».
Za «ekstremisckija» padpiski pry praviercy na miažy bolš nie sadžajuć na sutki15
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary