Biełarusy na Vialikdzień viartajucca na radzimu. Na polska-biełaruskaj miažy kałaps

Polšča. Dziasiatki aŭtobusaŭ i sotni mašyn

Tradycyjna najbolš napružanaja situacyja na miažy z Polščaj. Čerhi na ŭjezd u Biełaruś u adzinym dziejnym pasažyrskim punkcie propusku «Brest — Tarespal» pačali źbiracca jašče ź siaredziny tydnia.

Užo poźnim viečaram sierady ŭ čarzie na zajezd na terytoryju punkta propusku stajała bolš za 40 aŭtobusaŭ.

Padarožniki, jakija viartalisia z Polščy ŭ Biełaruś i stali ŭ čarzie 43-mi, padzialilisia, što za 20 dalaraŭ znajšli miesca ŭ druhim pierad šłahbaumam aŭtobusie. Takim čynam na prachodžańnie miažy ŭ ich syšło 7,5 hadziny.

Pavialičyć

Inšyja pišuć, što na pierasiačeńnie miažy aŭtobusam dniom 16 krasavika ŭ ich pajšło kala 12 hadzin.

Pa stanie na 11 ranicy 17 krasavika ŭ čarzie taksama było kala 40 aŭtobusaŭ. 

Tyja, chto nie moža pierasieści, bo ich kančatkovy punkt nie Brest, pišuć, što prachodžańnie miažy zajmaje kala sutak.

Z rostam čarhi raście i cana na padsadku. Kali jašče ŭčora možna było padsieści za 15 jeŭra, to siońnia staŭka vyrasła da 25. 

Pavialičyć

Aproč niekalki dziasiatkaŭ aŭtobusaŭ, na polskaj miažy ŭ bok Biełarusi sabrałasia vielizarnaja čarha ź lehkavych aŭto. Kali ranicaj jana była kala 2,7 km da šłahbauma, to ŭžo ŭ abied — kala 3 km. Pa stanie na 17 hadzin 17 krasavika jana raściahnułasia na 3,6 km.

Pavialičyć

Dla paraŭnańnia, u pieradnavahodnija śviaty čarha ź lehkavikoŭ dasiahała kala 10 kiłamietraŭ.

Na vyjezd ź Biełarusi ŭ Polšču čerhaŭ niama.

Litva. Čerhi z aŭto ŭ abodva baki

U kirunku Biełarusi pierad punktam propusku «Kamienny Łoh» pa stanie na 16:30 čarha ź lehkavych aŭto pačynajecca adrazu za zajezdam na AZS. Heta kala 70 aŭto, pišuć u čacie.

Pavodle danych na sajcie Dziaržpahrankamiteta Biełarusi, vyjezdu ź Biełarusi ŭ Litvu praz «Kamienny Łoh» taksama čakajuć kala 70 mašyn.

Čarhi z aŭtobusaŭ niama.

Pierad punktam propusku «Bieniakoni — Salečniki» taksama sabrałasia čarha ź lehkavych aŭto. Zajezdu na terminał čakajuć kala 40 mašyn. Ź Biełarusi ŭ Litvu — kala 50 aŭto.

Čarhi z aŭtobusaŭ tut taksama niama.

Navat u pikavyja dni čerhi z aŭto na litoŭskim kirunku buduć našmat mienšyja, čym na polskim. Bo paśla niadaŭnych źmien na biełaruskich numarach pierasiakać miažu i naohuł pierasoŭvacca pa Litvie majuć prava tolki hramadzianie Biełarusi ź litoŭskimi vizami abo DNŽ, a taksama hramadzianie ES. 

Łatvija

Na łatvijska-biełaruskaj miažy čakana biez čerhaŭ. Biełarusy, jakija ŭ noč z 16 na 17 krasavika jechali na aŭto z polskimi numarami, spravazdačylisia ŭ čacie, što na prachodžańnie dvuch miežaŭ i afarmleńnie strachoŭki ŭ ich ahułam syšło ŭsiaho 45 chvilin.

Pavialičyć

U Łatvii ŭ adroźnieńnie ad Litvy dziejničaje tatalnaja zabarona na ŭjezd mašyn ź biełaruskimi numarami, tamu pierasiakać hetuju miažu mohuć vyklučna tyja, čyja mašyna zarehistravanaja ŭ ES.

• 0
• 0
• 4
• 6
• 2
• 3
• 1
• 0