«Jany paciarpiać u bolšaj stupieni». Naryškin u Minsku pahražaŭ Polščy i krainam Bałtyi
Kiraŭnik Słužby zamiežnaj raźviedki Rasii paśla sustrečy z Łukašenkam abvinavaciŭ Polšču i krainy Bałtyi ŭ ahresijnych dziejańniach suprać Biełarusi i Rasii — naprykład, stvareńni minnych paloŭ uzdoŭž miežaŭ.
Siarhiej Naryškin nazvaŭ Polšču i krainy Bałtyi «pravakatarami» i zajaviŭ, što jany paciarpiać pieršymi ŭ vypadku ahresii suprać Biełarusi i Rasii.
Pavodle słoŭ Naryškina, susiedzi Biełarusi «brazhočuć zbrojaj», piša TASS.
«Jany pavinny byli b zrazumieć, ale pakul nie razumiejuć, što ŭ vypadku ahresii z boku Paŭnočnaatłantyčnaha aljansu suprać sajuznaj dziaržavy škoda budzie pryčyniena, biezumoŭna, usiamu błoku NATA, ale ŭ bolšaj stupieni pieršymi, chto pacierpiać, buduć nośbity takich idej siarod palityčnych kołaŭ Polščy i prybałtyjskich krain», — adznačyŭ kiraŭnik SZR Rasii.
Jon zajaviŭ, što Polšča i prybałtyjskija respubliki «adroźnivajucca vysokaj ahresiŭnaściu, u lubym vypadku na słovach». Naryškinu nie padabajucca płany Polščy ŭstanavić uzdoŭž miežaŭ ź Biełaruśsiu i Kalininhradskaj vobłaściu Rasii kala 2 miljonaŭ supraćtankavych min, a taksama raźmiaścić u siabie jadziernuju zbroju.
«Heta sumna. Jany nijak nie mohuć zrazumieć, što mienavita naroščvańnie vajennaj aktyŭnaści kala miežaŭ Rasii i Biełarusi stała adnym z faktaraŭ, adnoj z pryčyn ciapierašniaha vialikaha, vostraha i vielmi niebiaśpiečnaha kryzisu na Jeŭrapiejskim kantyniencie», — vykazaŭ mierkavańnie Naryškin.
-
Viasielny kvest u emihracyi: biełarusy raskazali, jak brali šlub u zamiežžy
-
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
-
«My jašče nie skončyli. Nie stračvajcie nadziei!» Džon Koŭł adreahavaŭ na słovy Cichanoŭskaj pra 800 palitviaźniaŭ u Biełarusi
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary