Jon mieŭ status pomnika pryrody respublikanskaha značeńnia.
Pra hibiel staražytnaha dreva stała viadoma z pastanovy Ministerstva pryrodnych resursaŭ i achovy navakolnaha asiarodździa, jakoje ŭ pačatku krasavika likvidavała pomnik pryrody ŭ suviazi sa strataj kaštoŭnaha pryrodnaha abjekta, z metaj zachavańnia jakoha jon byŭ abvieščany.
Dub čareščaty «Buda-Kašaloŭski-2» ros u lesie prykładna za paŭkiłamietra na poŭdzień ad vioski Patapaŭka Buda-Kašaloŭskaha rajona.
Uzrost dreva, dakładna vyznačany pry dapamozie pryrostnaha bura, składaŭ 290 hadoŭ. Vyšynia duba dasiahała 31,7 mietra, a akružnaść stvała — 4,6 mietra.
Što stała kankretnaj pryčynaj hibieli dreva — nie paviedamlajecca. Adnak jaho stan jašče raniej aceńvaŭsia jak avaryjny z-za ŭzrostu, ekałahičnych umoŭ i vialikaha suchoha dupła, što ciahnułasia ad samaha padnožža. Vidać, dub-vołat nie vytrymaŭ i pavaliŭsia.
Achoŭny status drevu byŭ nadadzieny jašče ŭ 1963 hodzie, a status pomnika pryrody respublikanskaha značeńnia jano atrymała ŭ krasaviku 2007 hoda.
U hetaj ža miascovaści, u lesie na poŭnač ad Patapaŭki raście jašče adzin staražył — dub čareščaty «Buda-Kašaloŭski-1», jaki taksama maje status pomnika pryrody respublikanskaha značeńnia. Hety dub zdaraviejšy i trochi maładziejšy za toj, što zahinuŭ — jamu tolki 220 hadoŭ.
«Naša Niva» — bastyjon biełaruščyny
PADTRYMAĆCiapier čytajuć
Poŭny śpis palitviaźniaŭ, vyzvalenych 13 śniežnia8
Kamientary