«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
Prezident ZŠA Donald Tramp znoŭ uskłaŭ adkaznaść za pačatak vajny va Ukrainie na ŭkrainskaha prezidenta Uładzimira Zialenskaha i svajho papiarednika Džo Bajdena. Pra heta jon napisaŭ u svajoj sacsietcy Truth Social.
Donald Tramp nazvaŭ vajnu Rasii suprać Ukrainy «parodyjaj», a Zialenski i «kryvaruki Bajden», maŭlaŭ, mieli «tak šmat sposabaŭ» praduchilić jaje. Sam ža Tramp nibyta nie maje nijakaha dačynieńnia da hetaj vajny, choć i «staranna pracuje, kab spynić śmierć i razbureńnie».
Pa słovach Trampa, padčas svajoj pieršaj kadencyi jon «nie mieŭ nijakich prablem z tym, kab praduchilić vajnu», bo rasijski lidar Uładzimir Pucin «i ŭsie astatnija pavažali» jaho. Ale
«prezident Zielenski i kryvaruki Džo Bajden zrabili absalutna žachlivuju pracu, dazvoliŭšy hetaj parodyi pačacca».
Taksama amierykanski prezident čarhovy raz zajaviŭ pra falsifikacyju vybaraŭ u 2020 hodzie, kali jon prajhraŭ Bajdenu, dadaŭšy, što kali b jon zmoh pieraabracca, vajny va Ukrainie nikoli b nie adbyłosia.
Paśla na pres-kanfierencyi z prezidentam Salvadora Naibam Bukiele ŭ Avalnym kabiniecie Tramp usio ž dałučyŭ da liku vinavatych u vajnie va Ukrainie i prezidenta Rasii Uładzimira Pucina, pastaviŭšy jaho na pieršaje miesca.
«Miljony zahinułych — z-za troch čałaviek. Skažam, Pucin — numar adzin. Skažam, Bajden, jaki naohuł nie razumieŭ, što robić, — numar dva. I Zialenski», — skazaŭ amierykanski prezident.
Jon taksama raskrytykavaŭ imknieńnie ŭkrainskaha prezidenta atrymać dla svajoj krainy vajennuju dapamohu.
«Jon zaŭsiody imkniecca kupić rakiety. Kali vy pačynajecie vajnu, vy pavinny viedać, što možacie atrymać pieramohu. Ty nie pačynaješ vajnu suprać kahości, chto ŭ 20 razoŭ bolšy za ciabie, a potym spadziaješsia, što ludzi daduć tabie niejkija rakiety», — tak Tramp apisaŭ Zialenskaha.
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Zialenski zajaviŭ, što Ukraina hatova kupić 10 kompleksaŭ Patriot za 15 miljardaŭ dołaraŭ, ale ZŠA nie pradajuć
«Mnie skazali, što jany zrabili pamyłku». Tramp prakamientavaŭ udar pa Sumach, ale Rasiju nie zhadaŭ
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary15
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary