U internecie pierapradajuć bilety na matčy chakiejnaha «Dynama» ŭ płej-of KCHŁ. U razy daražej
U sieradu kala «Minsk-Areny» vystraiłasia vielizarnaja čarha. Biełarusy palavali na bilety na hulni «Dynama» suprać čalabinskaha «Traktara», jakija adbuducca 16 i 18 krasavika ŭ Minsku. Siońnia «Dynama» pieršy matč 1/4 finału Kubka Haharyna (płej-of KCHŁ) praviadzie ŭ haściach.
Natoŭp sabraŭsia jašče za niekalki hadzin da pačatku prodažaŭ — viadoma, bilety razabrali ŭ toj ža dzień. A krychu paźniej jany źjavilisia na adnoj ź internet-barachołak, piša Onliner.by.
U kasach samy tanny bilet kaštavaŭ 35 rubloŭ. Samy darahi — 220. Za pakiet adpaviedna ad 70 da 440 rubloŭ.
Razbros cen pry pieraprodažy vialiki, pradajuć jak pakietam adrazu na dva matčy, tak i paasobku. Minimalny košt — 70 rubloŭ za adzin matč. Ale sustrakajucca varyjanty i značna daražejšyja. Tak, adzin z pradaŭcoŭ adrazu pryznajecca: «Staŭlu canu Ch2».
«Pačatkovy košt 220 r. (najlepšyja miescy na arenie). Za adzin matč na adnaho čałavieka. Maja cana X2 — 440 r. Mahčyma pry asabistaj sustrečy. Bilety fizičnyja (razdrukavanyja). Pryčyna prodažu: nie atrymajecca schadzić u hetyja dni».
A voś takoj pierapiskaj mienavita z hetym pradaŭcom padzialiłasia karystalnica Threads. Žurnalisty taksama sprabavali «nabyć» u jaho bilety, ale jon na suviaź nie vyjšaŭ.
Jość i takija abjavy.
Ale nie ŭsie hatovyja nazyvać canu adrazu. Niekatoryja — tolki ŭ asabistaj pierapiscy. Heta ž praviła tyčycca i nazvaŭ siektaraŭ, i kankretnych miescaŭ.
A voś što pradaŭcy z «dahavornaj canoj» adkazali žurnalistam u asabistych paviedamleńniach:
Niamała i abjaŭ z žadańniem vykupić bilety. Šmat chto davoli emacyjna prosić rabić tolki adekvatnyja prapanovy «bieź dzikaha nakruta» i «nakrutki cany ŭ 4 razy». Niekatoryja pakupniki adrazu adznačajuć: padyduć tolki fizičnyja bilety z kasy, nie elektronnyja. Pry hetym jość i prama supraćlehłyja: «Kuplu doraha!» abo «Razhledžu lubuju prapanovu».
Varta zaznačyć, što ažyjataž vyklikany tym, što «Dynama» ŭpieršyniu vyjšła ŭ druhi raŭnd płej-of KCHŁ. Taksama varta ŭličvać, što paśla poŭnamaštabnaha ŭvarvańnia Rasii va Ukrainu, biełaruski sport zbolšaha adchileny ad mižnarodnych spabornictvaŭ.
Zbornaja pa chakiei adchilena ad mižnarodnych spabornictvaŭ i vymušana hulać z kamandami Rasii i Kazachstana, mižnarodny baskietboł i handboł pad banam, a futbolnaja zbornaja i kłuby ŭ jeŭrakubkach vymušanyja chatnija pajadynki pravodzić na niejtralnych palach u Sierbii, Vienhryi i Azierbajdžanie.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal1
Kamientary