Kampanija Kawasaki pradstaviła kancept-kar, jakoha jašče nichto nie bačyŭ, — dvuchmiesnaha čatyrochnohaha robata, kiravańnie jakim robicca z dapamohaj ruchaŭ cieła jezdaka.
Jak paviedamlaje New Atlas, na vystavie Osaka Kansai Expo 2025 japonskaja karparacyja Kawasaki Heavy Industries pakazała, jakim moža być transpart zaŭtrašniaha dnia — i heta zusim nie latajučy aŭtamabil, a robat-koń z vadarodnym ruchavikom. Madel atrymała nazvu Corleo.
Jak śćviardžaje vytvorca na svaim sajcie, heta novaja katehoryja piersanalnaha pazadarožnaha transpartnaha srodku, jaki spałučaje prachodnaść z ustojlivaściu matacykła.
Asnoŭnaja asablivaść — čatyry niezaležnyja robatyzavanyja nahi, kožnaja ź jakich abstalavanaja «kapytom» z humovaj pavierchniaj, što adaptujecca da reljefu.
Błok zadnich noh moža bałansavać uvierch i ŭniz niezaležna ad pieredniaha błoka, što dazvalaje lepš hasić udary padčas ruchu. Corleo moža chadzić, skakać, uzdymacca pa prystupkach i pieraadolvać pieraškody.
«Skarycie hory, dychajcie śviežym pavietram i atrymlivajcie asałodu ad panaramnych krajavidaŭ», — zaklikaje vytvorca.
Karystalnik kiruje Corleo, pavaročvajučy rul i pieramiaščajučy vahu cieła. Datčyki cisku na piedalach i ruli fiksujuć siłu hetych ruchaŭ. Dla kamfortu praduhledžanaja mahčymaść rehulavańnia vyšyni stramionaŭ i vuhła nachiłu. Usio heta dla taho, kab karystalnik adčuvaŭ siabie nie prosta pasažyram, a častkaj mašyny.
Zamiest zvyčajnaha ruchavika ŭ Corleo vadarodny hienieratar abjomam 150 sm³. Vadarod padajecca z bałonaŭ, ustanoŭlenych zzadu, a atrymanaja enierhija siłkuje elektrapryvady ŭ kožnaj nazie.
Pierad jezdakom — infarmacyjnaja panel, na jakoj adlustroŭvajucca ŭzrovień vadarodu, stanovišča centra ciažaru, kirunak maršrutu i inšyja pakazčyki. Unačy Corleo prajektuje strełki na ziamlu, kab abaznačyć biaśpiečny šlach napierad.
Pakul što Corleo — heta tolki pratatyp, jaki ŭmieje stajać, chadzić i pazavać. U Kawasaki zajaŭlajuć, što robat-koń moža pastupić u masavuju vytvorčaść da 2050 hoda.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary