Paśla 5 hadoŭ źniavoleńnia vyjšaŭ na svabodu palitviazień Pavieł Juchnievič
Palitźniavoleny Pavieł Juchnievič vyjšaŭ z kałonii №22 pad Ivacevičami, całkam adbyŭšy pryznačany termin, paviedamlaje «Biełsat».
Pavieł Juchnievič całkam adbyŭ pakarańnie. Viadoma, što ŭ kałonii jon ažaniŭsia, paviedamlajuć krynicy «Biełsata». Ciapier paŭtara hoda jon pavinien zastavacca pad nahladam.
Paŭła Juchnieviča abvinavacili va ŭdziele ŭ masavych biesparadkach pavodle č. 2 art. 293 Kryminalnaha kodeksa Biełarusi. Jaho zatrymali 25 vieraśnia 2020 hoda, siłaviki sa zbrojaj uvarvalisia ŭ kvateru praz akno i dźviery. U kvatery razam ź im byli siabry Jahor Litvinka, Andrej Vojnič i Anastasija Kiryk.
25 maja 2021 hoda Mahiloŭski abłasny sud prysudziŭ Juchnieviča da źniavoleńnia na 5 hadoŭ. Sudzili jaho razam z Paŭłam Sieviaryncam, Dźmitryjem Kazłovym, Jaŭhienam Afnahielem, Maksimam Viniarskim, Andrejem Vojničam i Irynaj Ščasnaj.
Pavieł Juchnievič — viadomy aktyvist, siabra «Jeŭrapiejskaj Biełarusi». U demakratyčnym ruchu jon byŭ z rańniaj maładości, źjaŭlajučysia siabram jašče ruchu «Zubr».
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym
Vyjšli na volu palitviaźni Drazdoŭ, Paškievič i Kandrasiuk
Paćvierdžanaja infarmacyja pra vyzvaleńnie piaci palitźniavolenych z Homielščyny
«Siadzieła i płakała ad zamiłavańnia». Razmova z Alesiaj Rak, žonkaj žurnalista Radyjo Svaboda Andreja Kuźniečyka
Vyjšaŭ na volu palitviazień Časłaŭ Kananovič
Kamientary