Hramadstva22

U minskim teatry lalek raskazali, čamu ŭžo hod nie mohuć zadavolić popyt hledačoŭ na kvitki

Biełaruski dziaržaŭny teatr lalek staŭ apošnim časam vielmi papularnym miescam dla minčukoŭ i haściej stalicy. Mnohija pryznajucca, što nabyć kvitok na śpiektakl — amal niemahčyma. Što adbyvajecca i jakija kroki prymaje kiraŭnictva teatra, raskazała ahienctvu «Minsk-Naviny» dyrektarka teatra Taćciana Toŭścik.

Teatr lalek. Fota: Minsk-Naviny

Pavodle słoŭ dyrektarki teatra, prablema isnuje ŭžo ceły hod, ale ciapier jaje maštaby značna pavialičylisia. Jašče ŭ 2024 hodzie ludzi stajali ŭ vialikich čerhach pra kvitki na viačernija śpiektakli. Pa prośbach hledačoŭ častku kvitkoŭ addali ŭ kasu, a tamu nabyć ich praź internet stała ciažej.

Z kanca 2024 hoda teatr pierastaŭ zahadzia paviedamlać pra pačatak prodažaŭ, kab paźbiehnuć napružańnia. Ale ludzi pačali skardzicca, što nie mohuć kupić kvitki ŭ pracoŭny dzień. Kali ž prodaž zrabili ŭ vychadnyja, to niezadavolenyja taksama znajšlisia.

U suviazi z takim vialikim ažyjatažam u sakaviku i krasaviku hetaha hoda pavialičyli kolkaść śpiektaklaŭ, asabliva tych, jakija karystajucca popytam: «Zapiski junaha doktara», «Pansijon «Bielvieder», «Na čornaj-čornaj vulicy», «Mroiva». Ale navat heta nie dapamahło zadavolić popyt.

Dajšło da taho, što teatru pačali pahražać i šantažavać — patrabujuć kvitki, pahražajučy skarhami i abvinavačańniami ŭ ich pieraprodažy.

Jašče bolš śpiektaklaŭ teatr lalek pakazvać nie moža, bo jon nievialiki, u trupie ŭsiaho 20 čałaviek. Niekatoryja śpiektakli zadziejničajuć pałovu artystaŭ. Ihrać niekalki razoŭ na dzień niemahčyma — fizična i emacyjna heta vielmi ciažka. Asabliva składana z technična nasyčanymi śpiektaklami, mantaž jakich patrabuje času.

U teatry praviarali taksama mahčymaść pravodzić śpiektakli na vialikich placoŭkach (500—700 miescaŭ), ale vynik byŭ niaŭdały: z zadnich radoŭ tady nie bačna lalek, asabliva maleńkich, što psuje ŭsprymańnie śpiektakla. Usie pastanoŭki adaptavanyja pad scenu teatra, tamu pieranos niehatyŭna ŭpłyvaje na mastacki ŭzrovień.

Ciapier teatr abnaŭlaje sajt i płatformu prodažu biletaŭ. Ale kali pačynajecca prodaž, na sajt adnačasova zachodziać dziasiatki tysiač karystalnikaŭ — sistema nie vytrymlivaje.

Pavodle danych pastaŭščyka internet-pasłuh, 30 sakavika było zafiksavana amal 265 570 adnačasovych sprob padklučeńnia. Heta, chutčej za ŭsio, boty — prahramy, jakija skuplajuć kvitki. Zvyčajny hladač nie moža ź imi kankuravać.

Ludzi dasyłajuć skrynšoty pieraprodažu kvitkoŭ u internecie pa zavyšanych cenach. Niekatoryja navat vydajuć siabie za pradstaŭnikoŭ teatra. Kiraŭnictva zajaŭlaje: ni artysty, ni administracyja nie majuć da hetaha dačynieńnia. Aficyjny prodaž idzie tolki praz kasu teatra, sajt abo ticket.pro.

Niekatoryja hledačy prapanujuć padniać ceny, kab źmienšyć popyt, ale teatr hetaha nie padtrymlivaje — kvitki pavinny być dastupnymi dla ŭsich.

Kab zarabić na novyja pastanoŭki, teatr pravodzić majstar-kłasy, ekskursii i arhanizavaŭ bebi-teatr u Małoj zale — heta karystajecca popytam.

Uvohule ž teatr praciahvaje šukać šlachi palapšeńnia situacyi, kab kožny zmoh patrapić na žadany śpiektakl.

Kamientary2

  • Teatraman
    09.04.2025
    Usio zrazumieła, u adsutnaść narmalnych teatralnych pastanovak, ludzi zadavolvajucca Lalkami. Tak chutka budziem na kirmašach la Dvarca sporta śmiajacca ź ludziej-urodcaŭ. D - Dehradacyja.
    PS. Pansijon Bielvieder - vyradžeńnie jašče toje, vanitavać chaciełasia.
  • .
    09.04.2025
    Ažyjataž z kvitkami ŭ teatr lalek i teatr biełaruskaj dramaturhii pačaŭsia daŭno.
    Mabyć, choć tak narod zabiaśpiečvaje svaju patrebu ŭ kultury siarod kvaziakupacyjnaj pustečy sučasnaj Biełarusi.

    Padumać pra heta tym, chto abvinavačvaje, što biełarusam patrebny tolki rasiejskija "zorki".
    Na svabodnym kulturnym rynku biez represij i cenzury ŭ našaj kultury byli b vialikija šansy na raźvićcio i papularnaść.

Ciapier čytajuć

Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach14

Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach

Usie naviny →
Usie naviny

«Pacuki, błochi, śmiećcie, a ŽEU rapartuje, što ŭsio prybrana». Žychary Žodzina aburanyja, što musili sami ačyščać padvał2

«Lepš užo kuplu paŭkiło kurynaha file — tańniej vyjdzie». Biełarusy šakavanyja cenami na čypsy5

MARH parekamiendavaŭ kramam źmienšyć nadbaŭki na jajki2

Tramp pravioŭ skandalnuju sustreču z prezidentam PAR. Jana nahadvała pryjom u Biełym domie Zialenskaha18

Turkmienskaha studenta, jaki parušyŭ praviły darožnaha ruchu, pakazalna vysłali ź Biełarusi, zapałochvajučy astatnich2

Ścipły zvonku, carski ŭsiaredzinie. Pad Minskam pradajuć katedž ź siurpryzam5

«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»13

Ukraina adnaviła ataki dronaŭ na Maskvu i Padmaskoŭje4

U Minsku pabudujuć novy korpus dla haradskoha ankałahičnaha centra. Ciapier na tym miescy — zakinutaja balnica

bolš čytanych navin
bolš łajkanych navin

Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach14

Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach

Hałoŭnaje
Usie naviny →

Zaŭvaha:

 

 

 

 

Zakryć Paviedamić