Cana červieńskich fjučarsaŭ na naftu Brent źniziłasia na 3,27%, da $67,85 za baral, śviedčać danyja tarhoŭ łondanskaj biržy ICE. U apošni raz nafta handlavałasia nižej za $68 za baral amal 3,5 hoda tamu — 2 śniežnia 2021 hoda, piša RBK.
Nafta ŭpała paśla ŭviadzieńnia prezidentam ZŠA Donaldam Trampam novych pošlin na impart z usich krain. Dla roznych krain śvietu ZŠA vyrašyli ŭvieści pošliny da 50%. Heta ŭzmacniła aściarohi, što hłabalnaja handlovaja vajna moža źnizić popyt na naftu. Niehatyŭna na rynak taksama paŭpłyvała rašeńnie krain APIEK+ pavialičyć zdabyču nafty chutčej, čym było abvieščana raniej.
«U Vašynhtonie i Vienie byŭ pryhatavany idealny miadźviedžy kaktejl», — raspavioŭ analityk brokierskaj kampanii PVM Oil Associates Tomaš Varha.
Uzajemnyja pošliny praktyčna dla ŭsich asnoŭnych handlovych partnioraŭ ZŠA abhruntavana vyklikajuć aściarohi adnosna recesii ŭ ekanomicy i, mahčyma, stahflacyi, paviedamiŭ jon. Heta niehatyŭna adbivajecca na ekanamičnym roście i popycie na naftu.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary