Ci sapraŭdy delehaty KR admovilisia prachodzić palihraf? Kraŭcoŭ adkazvaje Žyharu
Pradstaŭnik «Biełpoła» Uładzimir Žyhar śćviardžaje, što prapanoŭvaŭ pravieryć praz palihraf delehataŭ Kaardynacyjnaj rady. Ale pieršym ad hetaha admoviŭsia sakratar arhanizacyi Ivan Kraŭcoŭ. Što ž adbyłosia?
Na fonie skandała sa źniknieńniem śpikierki Kaardynacyjnaj rady Anžaliki Mielnikavaj pradstaŭnik «Biełpoła» Uładzimir Žyhar raskazaŭ, što raniej prapanoŭvaŭ u metach biaśpieki pravieryć siabroŭ Kaardynacyjnaj radzie z dapamohaj palihrafa.
«Mnie prosta skazali: «Prabačcie, my tut adkryty orhan, my tut ničoha, nikoha nie baimsia, ni ad kaho ničoha nie chavajem. I navat kali tut jość ahienty, niachaj jany słuchajuć, jak my zmahajemsia za Biełaruś». Mnie adrazu ž rastłumačyli — z hetaj idejaj navat nie prychodzić. Nu voś, a potym jany ździŭlajucca, što tam źlivy, tut situacyja…», — adznačyŭ jon u razmovie z «Jeŭraradyjo».
Uładzimir Žyhar taksama adznačyŭ, što byli ludzi, jakija adrazu admaŭlalisia ad pravierki na palihrafie. I padkreśliŭ, što pieršym takim byŭ Ivan Kraŭcoŭ, jaki ciapier źjaŭlajecca sakratarom Kaardynacyjnaj rady.
«Naša Niva» paprasiła Ivana Kraŭcova prakamientavać hetu infarmacyju. Jon paćvierdziŭ, što Žyhar, budučy ŭ druhim składzie Kaardynacyjnaj rady, sapraŭdy padymaŭ pytańnie pra palihraf dla delehataŭ:
«Heta vyklikała abureńnie. Jak pa mnie, heta kłasičny sposab atrymać upłyŭ nad niejkimi ludźmi. Bo, kali «Biełpoł» budzie pravodzić takija pravierki, dyk usie delehaty KR trapiać u zaležnaść. Nakolki ja viedaju, Śviatłana Cichanoŭskaja taksama nie prachodziła palihraf. Pavieł Łatuška taksama. Nu i pytańnie da «Biełpoła»: jany ŭvohule vierać u palihraf? Ja voś zachodžu na Vikipiedyju i baču, što navukovych paćviardžeńniaŭ taho, što heta pracuje, niama. Heta nie źjaŭlajecca dokazam čahości».
Ivan kaža, što prapanovu adchilili amal adnahałosna jak u druhim, tak i ŭ trecim składzie KR.
Pravaabaroncy vystupili suprać novaj pasady ŭ demsiłach
«Značyć, niešta nie tak z Kaardynacyjnaj radaj». Źlitaja stenahrama pakazvaje, jak rezka Cichanoŭskaja aceńvała dziejnaść KR
Stanisłava Hlińnik raskazała pra viersii źniknieńnia Anžaliki Mielnikavaj i hrošy Kaardynacyjnaj rady
Źniknieńnie śpikierki KR Anžaliki Mielnikavaj. Usio važnaje, što viadoma na hety momant
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ14
Kamientary
Charošaje aytańnie, darečy: radstaŭnik «Biełpoła» Uładzimir Žyhar prapanoŭvaŭ prajści palihraf Paŭłu Łatuškau i Śviatłanie Cichanoŭskaj i jaje daradcam: Labiedźku, Viačorku, Dabravolskamu i inšym (nie pamiataju ich proźviščy)?