Dvuchtomnaja kniha ŭspaminaŭ łaŭreata premii Hiedrojcia 2016 hoda Maksa Ščura «Sproba ekśpierymientalnaha kanstrujavańnia siabie» dniami vyjšła z druku. Heta pieršaja publikacyja novaj vydavieckaj inicyjatyvy SayBeat, piša Budzma.org.
Heta kniha — bieletryzavanaja aŭtabijahrafija. Sam aŭtar Maks Ščur aznačaje žanr knihi jak «mem-uháry». Jahonaja sproba zrazumieć, čym jość i jak uźnikaje asobna ŭziataje čałaviečaje «ja», padajecca z ułaścivym aŭtaru humaram.
Nijakich padrabiaznaściaŭ, u tym liku intymnych, jon ad čytačoŭ nie chavaje. Žyćcio prodkaŭ u Buenas-Ajresie, dziacinstva časoŭ «pierabudovy» ŭ Bieraści i Kareličach, sex drugs rock'n'roll i pačućciovaja anarchija ŭ Miensku, pošuki sensu, hrošaj i kachańnia ŭ Prazie i Stakholmie — usio heta aŭtar apisvaje, «nie curajučysia nijakich temaŭ, vyrazaŭ i vobrazaŭ». Vierahodna, što takoj ščyraj knihi ŭ biellicie jašče nie było.
Abjom knihi — 430 staronak (pieršy tom) i 500 staronak (druhi).
Knihu možna nabyć u varšaŭskaj kniharni «Knihaŭka».
Maks Ščur — palitemihrant, paet, pierakładčyk, łaŭreat premii Hiedrojcia(2016 hoda za raman «Zaviaršyć hieštalt» i premii Juchnaŭca 2004 hoda za raman «Tam, dzie nas niama». Z 1998 hoda žyvie ŭ Čechii. Aŭtar šeraha knih paezii i prozy («List, znojdzieny na papiališčy», «Hałasy», «Kinaraman»), pierakładčyk z anhlijskaj, ispanskaj, češskaj i inšych moŭ. Hałoŭny redaktar sajta «Nievidočnaje miesta» (2003—2008) i virtualnaha litaraturnaha časopisa «LitRaž» (2013—2020). Pierakłaŭ na biełaruskuju film «Kryminalnaje čytvo», u 2008—2020 hadach jak pierakładčyk supracoŭničaŭ z telekanałam «Biełsat». Aŭtar jutub-kanała, dzie publikuje svaje pierakłady piesień i razvahi pra budyzm.
Prapahandysty zapeŭnivajuć, što 196 palitviaźniaŭ užo na svabodzie9
Kamientary