Niamiecki Deutsche Bank i kazachstanski Home Credit Bank papiaredzili pra abmiežavańni dla hramadzian Biełarusi i Rasii. Na heta źviarnuŭ uvahu partał banki24.
Deutsche Bank razasłaŭ infarmacyju pra abmiežavańni na płaciažy pa sietcy kontrahientaŭ. Bank papiaredziŭ, što «bolš składanaje i abmiežavalnaje hłabalnaje sankcyjnaje asiarodździe» stvaraje rost ryzyki dla biznesu, źviazanaha ź Biełaruśsiu i Rasijaj.
U vyniku z ulikam składanaści sankcyj i źviazanaj ź imi vysokaj ryzykaj jon nie zmoža ažyćciaŭlać apieracyi, jakija tyčacca hetych dźviuch krain.
Niamiecki bank prosić kontrahientaŭ ustrymacca ad praviadzieńnia apieracyj ź Biełaruśsiu i Rasijaj praz hrupu Deutsche Bank. Z 21 sakavika bank, jak praviła, budzie adchilać takija tranzakcyi niezaležna ad valuty.
Što tyčycca kazachstanskaha Home Credit Bank, to jon zrabiŭ bolš strohimi ŭmovy pieravodaŭ u dalarach i jeŭra dla Biełarusi i Rasii. U banku ŭdakładnili, što 17 sakavika ŭstupili ŭ siłu novyja praviły dla pieravodaŭ u nazvanych valutach, što vyklikana źmienami va ŭmovach pracy mižnarodnych partnioraŭ.
Abmiežavańni tyčacca płaciažoŭ u jeŭra i dalarach, kali adpraŭnik — hramadzianin Biełarusi ci Rasii biez DNŽ abo dazvołu na časovaje pražyvańnie (DČP) albo kali dyrektar abo zasnavalnik kampanii — hramadzianin hetych krain biez DNŽ abo DČP. Jašče adzin vypadak: kali kančatkovy atrymalnik płaciažu znachodzicca ŭ Biełarusi ci Rasii.
Ciapier čytajuć
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia12
Kamientary