Litva sprabuje pierakanać ZŠA nie zdymać sankcyi ź biełaruskaha kaliju
«Kali budziem zdymać sankcyi ź Biełarusi i Rasii, to ad hetaha ŭ NATO abo ZŠA prablem nie źmienšycca, a tolki pavialičycca», — kaža premjer Hintaŭtas Pałuckas.
U adkaz na infarmacyju suśvietnych ŚMI ab žadańni ZŠA źmiakčyć sankcyi suprać Biełarusi i adnavić ekspart kalijnych uhnajeńniaŭ z hetaj krainy, premjer-ministr Hintaŭtas Pałuckas zajaŭlaje, što pasprabuje rastłumačyć svaim sajuźnikam, što heta było b vialikaj pamyłkaj, piša Delfi.lt.
«Siońnia biełaruski režym, z-za padaražeńnia łahistyki i sankcyj, nie atrymlivaje niepasredna ŭ biudžet amal paŭmiljarda dalaraŭ ZŠA ad ekspartu ŭhnajeńniaŭ. Heta značnaja suma, i, kali my vierniem jaje ŭ biudžet, nie dumaju, što Litvie ci našamu rehijonu ad hetaha stanie lepš», — skazaŭ Pałuckas.
Na dumku premjer-ministra, novaja administracyja ZŠA pavinna ŭličvać nie tolki patrebu ŭ kalijnych uhnajeńniach, ale i pahrozy biaśpieki, jakija ŭźniknuć u vypadku padtrymki ekanomik varožych krain.
«Kali budziem zdymać sankcyi ź Biełarusi i Rasii, to ad hetaha ŭ NATO abo ZŠA prablem nie źmienšycca, a tolki pavialičycca. Pakul u nas jość NATO ŭ jakaści hałoŭnaha abarončaha parasonika, ja nie čuŭ, kab ZŠA abiacali vyjści ź jaho, to stvarać sabie dadatkovyja prablemy, finansujučy tyja režymy, jakija chočuć vajavać z krainami NATO, dakładna niama nijakaha sensu», — rastłumačyŭ jon.
Na dumku Pałuckasa, u ES mohuć uźniknuć prablemy pry pryniaćci pastanovy ab padaŭžeńni sankcyj suprać Rasii, bo Vienhryja ŭžo vykazała svaju niazhodu. Adnak premjer-ministr spadziajecca, što lidaram ES udasca znajści sposaby abyści pazicyju Vienhryi.
«Na dadzieny momant pierad samimi lidarami Jeŭrasajuza staić niemałaja hałavałomka, jak adaptavać instrumienty pryniaćcia rašeńniaŭ, kab vyklučyć hetuju škodnasnuju pazicyju z pracesu pryniaćcia rašeńniaŭ. Ci budzie heta prypynieńnie prava hołasu, ci budzie heta rabicca kvalifikavanaj bolšaściu, ci ŭhavoram nie ŭdzielničać u hałasavańni, ci kampiensacyjnymi mierami», — razvažaŭ Pałuckas.
Ciapier čytajuć
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja7
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA66
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA6
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary