«Kuplaj tanna jaho karciny, praz 10 hadoŭ jon stanie suśvietna viadomym!». Jakim pakazany Chaim Sucin u filmie, jaki źniaŭ Džoni Dep?
Uvosień na suśvietnyja ekrany vyjšaŭ film Džoni Depa «Mody: try dni na chvalach varjactva», jaki raspaviadaje pra niekalki epizodaŭ z žyćcia italjanskaha mastaka Amiedea Madyljani.
U adroźnieńnie ad filma 2004 hoda «Madyljani», dzie pakazany apošnija dni žyćcia mastaka ŭ 1920 hodzie, tut pakazany 1916 hod, ale Madyljani ŭžo mocna chvory.
I kali ŭ filmie 2004 hoda jahony siabra i paplečnik, uradženiec Biełarusi Chaim Sucin pakazany litaralna ŭ dvuch epizodach, to ŭ filmie Džoni Depa jahony vobraz padadzieny vielmi razhornuta. U hetym filmie Sucina syhraŭ irłandski akcior Rajan Makparłand.
Try siabruki — Amiedea Madyljani (akcior Rykarda Skarmačy), Marys Utryło (Bruno Huery) i Chaim Sucin — snoŭdajuć pa Paryžy. Vypivajuć, napivajucca, spračajucca z naviednikami kafe i malujuć karciny za 5-10 frankaŭ, a to i za plašku vina. Słovam, žyvuć vielmi biedna.
Utryło maryć pajści na Pieršuju suśvietnuju vajnu, a Paryž časam cierpić ad nalotaŭ niamieckaj avijacyi.
Sucin časam pakazany ź dzivactvami. To złović tarakana ŭ słoik i hulajecca ź im ceły dzień, to pryciahnie z bojni tušu karovy, nazavie jaje «Rembrant» i maluje. Smurod u pakoi, dzie jon žyvie, nievynosny, i haspadynia pahražaje jaho vysielić. Madyljani (Mody) zastupajecca za viernaha siabra.
Madyljani zusim nie škaduje siabie i nie słuchaje paradaŭ siabroŭ, kab zarabić hrošy zaraz, bo potym niemahčyma budzie trymać u rukach penzdl i pamierci ŭ biednaści.
«Ty moj vierny siabra, paškaduj siabie, ty pluješ na svaju mahiłu, a ja na tvaju nikoli nie plunu», — kaža Sucin tavaryšu.
Kalekcyjanier i pramoŭtar kultury Leapold Zbaroŭski (jaho hraje Styvien Hrem) kaža Madyljani, što ŭ Paryž pavinien pryjechać viadomy kalekcyjanier i miecenat Marys Hańja (jaho ihraje Al Pačyna), jaki moža zapłacić jamu 10 tysiač za karcinu.
Uźniosły Madyljani prychodzić na sustreču z Hańja ŭ darahi restaran, ale toj kaža, što karciny Amiedea ničoha nie vartyja. «Vy nie mastak, zajmajciesia lepš skulpturaj», — kidaje miecenat.
«Ale voś vaš siabra Chaim Sucin maje vialiki patencyjał, heta sapraŭdny mastak. Kupicie zaraz tanna niekalki jaho karcin, i praz 10 hadoŭ vy staniecie kazačna bahatym», — raić Hańja.
Rasčaravany Madyljani viartajecca ŭ svaju kvateru i źniščaje svaje pracy.
Praz čatyry hady jon pamre, a praz 10 hadoŭ Sucin i sapraŭdy stanie suśvietna viadomym i pryznanym mastakom dziakujučy dapamozie taho ž Leapolda Zbaroŭskaha.
«Miki 17»: zorka «Źmiarkańnia» hraje ŭ šalonaj kamiedyi, i heta varta bačyć
Historyja stryptyziorki i syna rasijskaha aliharcha. Čym cikavy film, jaki atrymaŭ sioleta «Oskara»?
«Anora» nazvana najlepšym filmam na ŭručeńni premii «Oskar»
Miru nie byvaje biez achviaraŭ? Sieryjał pra lichalećcie ŭ Paŭnočnaj Irłandyi padvodzić da niaprostych dylemaŭ — jak dabicca niezaležnaści
Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć44
Kamientary